నవతెలంగాణ-హైదరాబాద్ : హైదరాబాద్‌లో సాఫ్ట్‌వేర్ ఇంజనీర్ ఫేస్‌బుక్ లైవ్ పెట్టి ఆత్మహత్యకు పాల్పడింది. సనా అనే మహిళ హేమంత్ అనే వ్యక్తిని ప్రేమించి పెళ్లి చేసుకుంది. అయితే ఆమెను అత్తమామలు తరచూ వేధించడం మొదలు పెట్టారు. అది చాలదన్నట్టు భర్త హేమంత్ సైతం మరో అమ్మాయికి దగ్గరయ్యాడు. ఈ క్రమంలోనే సనాకు భర్త నుంచి కూడా వేధింపులు మరింత ఎక్కువయ్యాయి. 5 నెలల నుంచి వేధింపులు భరించి భరించి విసుగు చెందిన సన ఫేస్‌బుక్‌లో లైవ్ వీడియో పెట్టి ఫ్యాన్‌కు ఉరి వేసుకుంది. పోలీసులు కేసు నమోదు చేసుకుని దర్యాప్తు చేస్తున్నారు. ఎంతో ఆనందంగా ఉన్న తమ కూతురు ఆత్మహత్య చేసుకోవడంతో ఆమె కుటుంబ సభ్యులు కన్నీరుమున్నీరవుతున్నారు. తన బిడ్డ ఆత్మహత్యకు కారణమైన హేమంత్ పై చర్యలు తీసుకోవాలని డిమాండ్ చేస్తున్నారు.
