‘పడేసావే, ఆపరేషన్‌ గోల్డ్‌ ఫిష్‌, కౌసల్య కృష్ణ మూర్తి’ వంటి సినిమాలతో ప్రేక్షకుల మన్ననలు పొందిన యువకథానాయకుడు కార్తీక్‌ రాజు. ఆయన తాజాగా నటిస్తున్న చిత్రం ‘అథర్వ’. నేడు (మంగళవారం) ఆయన పుట్టినరోజు. ఈ సందర్భంగా ‘అథర్వ’ చిత్ర యూనిట్‌ హీరో కార్తీక్‌రాజుకి ప్రత్యేకంగా శుభాకాంక్షలు తెలిపింది. ఈ సినిమాలో సిమ్రన్‌ చౌదరి, ఐరాలు హీరోయిన్లుగా నటిస్తున్నారు. ఇప్పటికే ఈ సినిమా నుంచి విడుదల చేసిన అన్ని అప్‌ డేట్స్‌ సూపర్‌ రెస్పాన్స్‌ తెచ్చుకున్నాయి. ప్రస్తుతం పోస్ట్‌ ప్రొడక్షన్‌ కార్యక్రమాలు చివరి దశలో ఉన్నాయి. అతి త్వరలో ఈ చిత్రాన్ని తెలుగు, తమిళం, మలయాళం, కన్నడ భాషల్లో రిలీజ్‌ చేయబోతున్నారు.
ఈ సినిమాను మహేష్‌ రెడ్డి తెరకెక్కిస్తుండగా, సుభాష్‌ నూతలపాటి నిర్మిస్తున్నారు. పెగ్గో ఎంటర్టైన్మెంట్స్‌ బ్యానర్‌ మీద నిర్మిస్తున్న ఈ మూవీని నూతలపాటి నరసింహం, అనసూయమ్మ సంయుక్తంగా సమర్పిస్తున్నారు. విజయ, ఝాన్సీ ఈ చిత్రానికి ఎగ్జిక్యూటివ్‌ ప్రొడ్యూసర్స్‌గా వ్యవహరిస్తున్నారు. ఈ చిత్రంలో అరవింద్‌ కృష్ణ ప్రముఖ పాత్రను పోషించారు. ఇప్పటి వరకు ఈ సినిమా నుంచి కార్తీక్‌ రాజు, సిమ్రన్‌ చౌదరి, ఐరా పాత్రలకు సంబంధించిన ఫస్ట్‌ లుక్‌లను విడుదల చేశారు. ఈ పోస్టర్లతో పాటు మోషన్‌ పోస్టర్‌, గ్లింప్స్‌ కు సోషల్‌ మీడియాలో మంచి స్పందన లభించింది. దీంతో సినిమాకి మంచి బజ్‌ ఏర్పడింది. త్వరలోనే టీజర్‌, ట్రైలర్‌ రిలీజ్‌ చేయాలని చిత్ర బృందం ప్లాన్‌ చేస్తోంది.
