నవతెలంగాణ-సంతోష్‌నగర్‌
వాహనాల రాకపోకలు సాగించే మార్గాల్లో నిర్లక్ష్యంగా ఉండకూడదని, జాగ్రత, భద్రతతో కూడిన ప్రయాణాలే సురక్షితమని బేగంపేట టీటీఐ ఏసీపీ శంకర్‌రాజ సూచించారు. నిబంధనలు మనం అనుసరించినా ఎదుటివారితో చాలా అప్రమత్తంగా ఉండాలన్నారు. బుధవారం మలక్‌పేట నియోజక వర్గం సైదాబాద్‌ పరిధిలోని మెజిస్ట్రేట్‌ జువైనల్‌ జస్టిస్‌ బోర్డ్‌ హైదరాబాద్ ట్రాఫిక్‌ ట్రైనింగ్‌ ఇనిస్టిట్యూట్‌ (టీటీఐ) ఆధ్వర్యంలో ‘రోడ్డు భద్రత.. ట్రాఫిక్‌ నిబంధనలు పై అవగాహన సదస్సు నిర్వహించారు. ఈ సందర్భంగా నిరస్తులకు జువైనల్‌ హోమ్‌ సోషల్‌ సర్వీస్‌ విద్యార్థినులకు ఆయన పలు సూచనలు, సలహాలు ఇచ్చారు. పాటలు వింటూ రోడ్లపై నడవడం చాలా ప్రమాదకరమని ఎన్నో ఘటనలు తెరపై చూపించారు. హెల్మెట్‌ తప్పనిసరని, ఇక చోదక అనుమతి పత్రం లేదంటే.. వాహనం నడపడం వచ్చినా.. తెలుసుకోవాలన్నారు. త్రిపుల్‌ రైడింగ్‌, హెల్మెట్‌ లేని ప్రయాణం, సీట్‌ బెల్ట్‌ ధరించకపోవడం, రోడ్డు భద్రత సైబర్‌ క్రైమ్‌ డ్రగ్స్‌ వాటి గురించి సందేహాలు కూడా వివరిస్తూ అపసవ్య మార్గంలో వెళ్లడం తదితర ఉల్లంఘనలే ప్రమాదాలకు సంకేతా లని గమనించాలన్నారు. కార్యక్రమంలో అబ్జర్వేషన్‌ హోం ఫర్‌ బార్సు సూపర్డెంట్‌ సయ్యద్‌ అఫ్జల్‌ షాహాలి, స్టేట్‌ ఆఫ్టర్‌ కేర్‌ హోం ఫర్‌ మెన్‌ సూపర్డెంట్‌ నవీన్‌ కుమార్‌, రీజినల్‌ ఇన్స్‌పెక్టర్‌ ఆఫ్‌ ప్రొఫెషన్‌ కె రవికుమార్‌, జెజెబి సభ్యుడు జి.వాసు పాల్గొన్నారు.
