సుప్రియ ఎంటర్టైన్మెంట్స్‌ పతాకంపై హరిబాబు దాసరి నిర్మాతగా, అఖిల్‌ అండ్‌ నిఖిల్‌ సమర్పణలో నాగరాజు బోడెం దర్శకత్వంలో నిర్మించిన యూత్‌ ఫుల్‌, కుటుంబ కథా చిత్రం ’14 డేస్‌ లవ్‌’. అత్యధిక థియేటర్లలో విడుదల అవుతున్న ఈ చిత్రంలో మనోజ్‌ పుట్టూర్‌, చాందిని భాగవని హీరో హీరోయిన్లుగా నటించారు. రాజా రవీంద్ర, సనా సునూర్‌ కీలక పాత్రలు పోషించగా, అంజలి, ఐడ్రీమ్‌ రాజా శ్రీధర్‌ తదితరులు ఇతర ముఖ్య పాత్రల్ని పోషించారు. కుటుంబ విలువల్ని కాపాడే ప్రయత్నంలో ఆ ఇంటి వారసులు ఎదుర్కొన్న సమస్యలు ఏంటి?, వారి మధ్య చిగురించిన ప్రేమకు ఎలాంటి ముగింపు దొరికింది అనే కోణంలో దర్శకుడు నాగరాజు బోడెం అత్యంత ఆసక్తికరంగా ఈ చిత్రాన్ని తెరకెక్కించారు. సంప్రదాయ విలువలున్న ఈ చిత్రం అన్ని కార్యక్రమాలు పూర్తిచేసుకుని ఈనెల 23న విడుదల అవుతుంది.ఈ చిత్రానికి మాటలు: గౌరీశ్వర్‌, శివప్రసాద్‌ సామల, కెమెరా: కన్నన్‌ మునస్వామి, సంగీతం: కిరణ్‌ వెన్న, బ్యాక్‌ గ్రౌండ్‌ స్కోర్‌: యస్‌.కె. బాజి, సాహిత్యం: గిరిపట్ల, ఎడిటర్‌: యస్‌.యస్‌.వి.సుంకర, కో ప్రొడ్యూసర్స్‌: వేణు, లైన్‌ ప్రొడ్యూసర్స్‌: రాజేష్‌ కుమార్‌ దాసరి, వినీత్‌ ప్రకాష్‌ దాసరి, ఎగ్జిక్యూటివ్‌ ప్రొడ్యూసర్‌: చంద్రకళ దాసరి.
