విక్రమ్‌ నటిస్తున్న కొత్త సినిమా ‘తంగలాన్‌’. దర్శకుడు పా రంజిత్‌ ఈ చిత్రాన్ని రూపొందిస్తున్నారు. పార్వతీ, మాళవిక మోహనన్‌ హీరోయిన్లుగా నటిస్తున్నారు. కోలార్‌ గోల్డ్‌ ఫీల్డ్స్‌ నేపథ్యంలో యదార్థ ఘటనల ఆధారంగా పీరియాడిక్‌ యాక్షన్‌ డ్రామాగా ఈ సినిమాని పా రంజిత్‌ నీలమ్‌ ప్రొడక్షన్స్‌తో కలసి స్టూడియో గ్రీన్‌ పతాకంపై కేఈ జ్ఞానవేల్‌ రాజా నిర్మిస్తున్నారు.
ఈ సినిమాను జనవరి 26న రిలీజ్‌ చేస్తున్నట్లు మేకర్స్‌ శుక్రవారం ప్రకటించారు. పాన్‌ ఇండియా స్థాయిలో హిందీతో పాటు తెలుగు, తమిళ, మలయాళ, కన్నడ భాషల్లో ఈ సినిమా ప్రేక్షకుల ముందుకు రాబోతోంది. ఈ సినిమా రిలీజ్‌ డేట్‌ అనౌన్స్‌మెంట్‌ సందర్భంగా విడుదల చేసిన పోస్టర్‌లో విక్రమ్‌ డిఫరెంట్‌ గెటప్‌లో పవర్‌ఫుల్‌గా కనిపిస్తున్నారు. ఈ పాత్రలోని నటనతో విక్రమ్‌ సర్‌ప్రైజ్‌ చేయబోతున్నట్లు పోస్టర్‌ చెప్పకనే చెబుతోంది. నవంబర్‌ 1న టీజర్‌ను రిలీజ్‌ చేయబోతున్నట్లు చిత్రబందం ప్రకటించింది. పశుపతి, హరికష్ణన్‌, అన్భు దురై తదితరులు నటిస్తున్న ఈ చిత్రానికి సంగీతం – జీవీ ప్రకాష్‌ కుమార్‌, ఆర్ట్‌ – ఎస్‌ ఎస్‌ మూర్తి, ఎడిటింగ్‌ – ఆర్కే సెల్వ, స్టంట్స్‌ – స్టన్నర్‌ సామ్‌.
