రవితేజ నటిస్తున్న యూనిక్‌ యాక్షన్‌ థ్రిల్లర్‌ ‘ఈగల్‌’. కార్తీక్‌ ఘట్టమనేని దర్శకత్వంలో పీపుల్‌ మీడియా ఫ్యాక్టరీ పతాకంపై తెరకెక్కిన ఈ చిత్రం వచ్చే ఏడాది విడుదలవుతున్న భారీ అంచనాలున్న సినిమాల్లో ఒకటి. టీజర్‌ విడుదలైన తర్వాత క్రేజ్‌ నెక్స్ట్‌ లెవల్‌కి చేరుకుంది. లేటెస్ట్‌గా మేకర్స్‌ మ్యూజిక్‌ ప్రమోషన్స్‌ ప్రారంభించారు. పల్లె పండుగ వేడుకలు జరుపుకుంటున్న గ్రామస్తులతో రూరల్‌ బ్యాక్‌ డ్రాప్‌లో ‘ఆడు మచ్చా..’ పాటని ఊరా మాస్‌ అంథమ్‌గా కంపోజ్‌ చేశారు దావ్‌జాంద్‌. రవితేజ తన గెటప్‌, డ్రెస్సింగ్‌ స్టైల్‌ పరంగా విభిన్నంగా, మాస్‌గా కనిపించారు. దావ్‌జాంద్‌ అన్ని మాస్‌ ఎలిమెంట్స్‌తో, పక్కా థియేటర్‌ సాంగ్‌ను రూపొందించారు. ఈ ట్యూన్‌ లైవ్‌ ఇండియన్‌ పెర్కషన్స్‌, ఫ్లూట్స్‌, పేపర్‌ హొర్న్స్‌తో సాంగ్‌ ప్రోగ్రామింగ్‌ ఎక్స్‌ట్రార్డినరీగా ఉంది. రెండిషన్‌ లోకల్‌ ఫ్లేవర్‌తో అద్భుతంగా అలరించింది. కల్యాణ చక్రవర్తి మాస్‌ను ఆకట్టుకునే సాహిత్యాన్ని రాశారు. రాహుల్‌ సిప్లిగంజ్‌ ఎనర్జిటిక్‌ వాయిస్‌తో లైవ్లీగా పాటని ఆలపించారు. శేఖర్‌ మాస్టర్‌ కొరియోగ్రఫీ చేశారు. రవితేజ తన అద్భుతమైన డ్యాన్స్‌తో పాటలోని ఎనర్జీని నెక్స్ట్‌ లెవల్‌కి తీసుకెళ్ళారు. ఈ పాట అభిమానులను కన్నుల పండగలా ఆకట్టుకుంది. ఈ సినిమాలో రవితేజ మల్టిపుల్‌ షేడ్స్‌ ఉన్న పాత్రలో నటిస్తున్నారు. అనుపమ పరమేశ్వరన్‌ కథానాయికగా నటిస్తుండగా, కావ్య థాపర్‌ మరో కథానాయిక. నవదీప్‌, మధుబాల ఇతర ముఖ్య తారాగణం అని చిత్ర యూనిట్‌ తెలిపింది. రవితేజని సరికొత్తగా ప్రజెంట్‌ చేయబోతున్న ఈ సినిమా ఆయన ఫ్యాన్స్‌తో పాటు ప్రేక్షకుల్ని సైతం మెస్మరైజ్‌ చేస్తుందనే నమ్మకాన్ని మేకర్స్‌ వ్యక్తం చేశారు. సంక్రాంతి కానుకగా జనవరి 13న థియేటర్లలో విడుదల కానున్న ఈ చిత్రంలో నవదీప్‌, శ్రీనివాస్‌ అవసరాల, మధుబాల, ప్రణీత పట్నాయక్‌, అజరు ఘోష్‌, శ్రీనివాస్‌ రెడ్డి, భాషా, శివ నారాయణ, మిర్చి కిరణ్‌, నితిన్‌ మెహతా, ధ్రువ, ఎడ్వర్డ్‌, మద్ది, జరా, అక్షర తదితరులు ఇతర ముఖ్య తారాగణం.
