పంజా వైష్ణవ్‌ తేజ్‌ హీరోగా సితార ఎంటర్‌ టైన్మెంట్స్‌, ఫార్చ్యూన్‌ ఫోర్‌ సినిమాస్‌ సంయుక్త నిర్మాణంలో రూపుదిద్దు కుంటున్న సినిమా షూటింగ్‌ కార్యక్రమాలు శరవేగంగా జరుగు తున్నాయి. శ్రీకాంత్‌.ఎన్‌.రెడ్డి దర్శకుడుగా పరిచయం అవుతున్నారు. కథానాయికగా ‘శ్రీ లీల’ నటిస్తున్న ఈ చిత్రాన్ని నిర్మాతలు ఎస్‌.నాగవంశీ, సాయి సౌజన్య నిర్మిస్తున్నారు.
శ్రీకర స్టూడియోస్‌ చిత్ర సమర్ప కులుగా వ్యవహరిస్తున్నారు. ఆంగ్ల సంవత్సరాది శుభ వేళ ఈ చిత్రానికి సంబంధించిన ఓ ప్రచార చిత్రాన్ని సోమవారం విడుదల చేసింది చిత్ర యూనిట్‌. ఏప్రిల్‌ 29న ఈ చిత్రం విడుదల అనేది ఈ ప్రచార చిత్రంలో గమనించవచ్చు. తొలిచిత్రంతోనే స్టార్‌గా ప్రేక్షక హదయాలలో బలమైన స్థానాన్ని సంపాదించుకున్న వైష్ణవ్‌ తేజ్‌ సరికొత్త మాస్‌ అవతారంలో కనిపించనున్నారని ఈ ప్రచార చిత్రం చూస్తే అనిపిస్తుంది. పూర్తి స్థాయి మాస్‌ యాక్షన్‌ ఎంటర్‌టైనర్‌ అని చిత్ర దర్శక,నిర్మాతలు తెలిపారు. ఇప్పటికే చిత్రం చాలా భాగం షూటింగ్‌ పూర్తి చేసుకుంది. చిత్ర టైటిల్‌తోపాటు చిత్రానికి సంబంధించిన మరిన్ని వివరాలు త్వరలోనే అధికారికంగా వెల్లడించనున్నారు.
