రవితేజ మోస్ట్‌ ఎవైటెడ్‌ యూనిక్‌ యాక్షన్‌ థ్రిల్లర్‌ ‘ఈగల్‌’. కార్తీక్‌ ఘట్టమనేని దర్శకత్వంలో పీపుల్‌ మీడియా ఫ్యాక్టరీ పతాకంపై తెరకెక్కిన చిత్రమిది. టీజర్‌ విడుదలైన తర్వాత క్రేజ్‌ నెక్స్ట్‌ లెవల్‌కి చేరుకుంది. ఇటివలే విడుదల చేసిన ‘ఈగల్‌’ ఊర మాస్‌ అంథమ్‌ ‘ఆడు మచ్చా’ పాట చార్ట్‌ బస్టర్‌ హిట్‌ అయ్యింది. వీటితోపాటు లేటెస్ట్‌గా రిలీజైన ట్రైలర్‌ సైతం అందర్నీ అలరిస్తోంది.
ఈ సినిమాలో రవితేజ మల్టిపుల్‌ షేడ్స్‌ ఉన్న పాత్రలో అలరించనున్నారు. అనుపమ పరమేశ్వరన్‌ కథానాయికగా నటిస్తుండగా, కావ్య థాపర్‌ మరో కథానాయిక. నవదీప్‌, మధుబాల ఇతర ముఖ్య తారాగణం. కార్తీక్‌ ఘట్టమనేని ఎడిటింగ్‌, దర్శకత్వం వహించిన ఈ చిత్రానికి మణిబాబు కరణంతో పాటు దర్శకుడు స్వయంగా స్క్రీన్‌ ప్లే రాశారు. టీజీ విశ్వ ప్రసాద్‌ ఈ చిత్రాన్ని నిర్మిస్తుండగా, వివేక్‌ కూచిభొట్ల సహ నిర్మాతగా వ్యవహరిస్తున్నారు. ఈ సినిమా సంక్రాంతి కానుకగా ఈనెల 13న థియేటర్లలో విడుదల కానుంది.
‘ఈ సంక్రాంతికి పలు సినిమాలు రిలీజ్‌ అవుతున్నప్పటికీ కథ, అందులోని కంటెంట్‌ మీద ఉన్న నమ్మకంతో సంక్రాంతి బరిలోకి దిగుతున్నాం. గతంలో ఎన్నడూ చూడని రవితేజని ఈ సినిమాలో చూడబోతున్నారు. సంక్రాంతికి విడుదలవుతున్న సిసలైన సినిమా ఇది.
ప్రణీత పట్నాయక్‌, అజరు ఘోష్‌, శ్రీనివాస్‌ రెడ్డి, భాషా, శివ నారాయణ, మిర్చి కిరణ్‌, నితిన్‌ మెహతా, ధ్రువ, ఎడ్వర్డ్‌, మద్ది, జరా, అక్షర తదితరులు నటించిన ఈ చిత్రానికి మాటలు: మణిబాబు కరణం, సంగీతం: డేవ్‌ జాంద్‌, డైరెక్టర్‌ ఆఫ్‌ ఫోటోగ్రఫీ: కార్తీక్‌ ఘట్టమనేని, కమిల్‌ ప్లాకి, కర్మ్‌ చావ్లా, ప్రొడక్షన్‌ డిజైనర్‌: శ్రీనాగేంద్ర తంగాల, సాహిత్యం: చైతన్య ప్రసాద్‌, కేకే, కళ్యాణ్‌ చక్రవర్తి, ఎగ్జిక్యూటివ్‌ ప్రొడ్యూసర్‌: సుజిత్‌ కుమార్‌ కొల్లి, యాక్షన్‌: రామ్‌ లక్ష్మణ్‌, రియల్‌ సతీష్‌, టోమెక్‌.
