కార్తీక్‌ రాజు, మోక్ష, షెర్రీ అగర్వాల్‌ హీరో, హీరోయిన్లుగా రూపొందుతున్న చిత్రం ‘ఐ హేట్‌ యు’. బి.లోకనాథం సమర్పణలో శ్రీ గాయత్రి ఎంటర్‌టైన్‌మెంట్స్‌ బ్యానర్‌పై నాగరాజ్‌ ఈ చిత్రాన్ని నిర్మిస్తున్నారు. అంజి రామ్‌ దర్శకుడు. ఇప్పటికే చిత్రీకరణను పూర్తి చేసుకున్న ఈ చిత్రం శరవేగంగా పోస్ట్‌ ప్రొడక్షన్‌ కార్యక్రమాలను జరుపుకుంటోంది. ఈ సందర్బంగా నిర్మాత నాగరాజ్‌ మాట్లాడుతూ, ”మా చిత్రం సైకలాజికల్‌ చిత్రంగా ప్రేక్షకులను మెప్పించటానికి సిద్ధమవుతోంది. డిఫరెంట్‌ సబ్జెక్ట్‌తో డైరెక్టర్‌ అంజిరామ్‌ సినిమాను చక్కగా తెరకెక్కించారు. కార్తీక్‌ రాజు, మోక్ష, షెర్రీ అగర్వాల్‌ సహా అందరూ నటీనటులు, టెక్నీషియన్లు చక్కటి సహకారాన్ని అందించటంతో అనుకున్న ప్లానింగ్‌ ప్రకారం మూవీని పూర్తి చేశాం. సినిమా చాలా బాగా వచ్చింది. ప్రేమలో కొత్త కోణాన్ని ఆవిష్కరించే ప్రయత్నం చేస్తున్నాం. ప్రస్తుతం నిర్మాణానంతర కార్యక్రమాలు జరుగుతున్నాయి. త్వరలోనే రిలీజ్‌ డేట్‌ను అనౌన్స్‌ చేస్తాం’ అని అన్నారు. ఈ చిత్రానికి అసోసియేట్‌ ప్రొడ్యూసర్‌ – అనూష, కో ప్రొడ్యూసర్‌ – విష్ణు తేజ సర్విశెట్టి, నిర్మల్‌ కుమార్‌ రాజు, సినిమాటోగ్రఫీ – ఎస్‌.మురళీ మోహన్‌ రెడ్డి, మ్యూజిక్‌ – సాకార్‌, ఒరిజినల్‌ స్టోరి, డైలాగ్స్‌ – ప్రభోద్‌, ఎడిటర్‌ – జె.ప్రతాప్‌ కుమార్‌, స్టంట్స్‌ – రామకష్ణ, కొరియోగ్రాఫర్‌ – అనీష్‌.
