విద్యాధర్‌ కాగిత దర్శకత్వంలో హీరో విశ్వక్‌ సేన్‌ నటిస్తున్న చిత్రం ‘గామి’. కార్తీక్‌ కుల్ట్‌ క్రియేషన్స్‌పై కార్తీక్‌ శబరీష్‌ ఈ చిత్రాన్ని నిర్మిస్తున్నారు. ఈ అడ్వెంచర్‌ డ్రామాని వి సెల్యులాయిడ్‌ సమర్పిస్తోంది. ఈ చిత్రానికి క్రౌడ్‌ ఫండ్‌ చేశారు. తాజాగా మేకర్స్‌ హైదరాబాద్‌ కామిక్‌ కాన్‌లో ఈ చిత్ర ఫస్ట్‌ లుక్‌ పోస్టర్‌ను లాంచ్‌ చేసి, సినిమా ప్రమోషన్‌లను ప్రారంభించారు. అఘోరా గెటప్‌లో ఉన్న విశ్వక్‌ సేన్‌ ఆశ్చర్యపరిచారు. చుట్టూ చాలా మంది అఘోరాలు అతనిని తాకడానికి ప్రయత్నిస్తారు. డార్క్‌ మిస్టీరియస్‌ ఫీలింగ్‌ని కలిగిస్తోంది. ఆడియన్స్‌లో చాలా క్యూరియాసిటీని క్రియేట్‌ చేసింది. ‘ఈ చిత్రంలో విశ్వక్‌ సేన్‌ ‘శంకర్‌’ అనే అఘోరాగా కనిపించనున్నారు. తనకి చాలా రేర్‌ కండీషన్‌ ఉంటుంది. అతను ఏ మానవ స్పర్శను అనుభవించలేడు’ అని మేకర్స్‌ అనౌన్స్‌ చేశారు. అలాగే ఈ చిత్రానికి పెట్టిన ట్యాగ్‌లైన్‌ ఆ పాత్ర భావోద్వేగ సంఘర్షణ తాలూకా లోతును తెలిజేస్తుంది. దర్శకుడు విద్యాధర్‌ మాట్లాడుతూ, ‘ఈ చిత్రంలో అఘోరా సెటప్‌తో పాటు, రెండు విభిన్నమైన సెటప్‌లు ఉన్నాయి. భిన్నమైన ఇతర పాత్రలూ ఉన్నాయి. ప్రమోషన్స్‌లో వాటి గురించి రివీల్‌ చేస్తాం’ అని అన్నారు. ఈ చిత్రంలో ‘కలర్‌ ఫోటో’ ఫేమ్‌ చాందిని చౌదరి కథానాయికగా నటిస్తుండగా, ఎంజి అభినయ, హారిక, మహ్మద్‌ సమద్‌ ముఖ్య తారాగణం. త్వరలోనే విడుదల తేదీని అనౌన్స్‌ చేయనున్న ఈ చిత్రానికి స్క్రీన్‌ ప్లే – విద్యాధర్‌ కాగిత, ప్రత్యూష్‌ వత్యం, ప్రొడక్షన్‌ డిజైన్‌ – ప్రవల్య దుడ్డుపూడి, ఎడిటర్‌ – రాఘవేంద్ర తిరున్‌, సంగీతం – నరేష్‌ కుమారన్‌, డీవోపీ – విశ్వనాథ్‌ రెడ్డి, యాక్షన్‌ కొరియోగ్రాఫర్‌ – వింగ్‌ చున్‌ అంజి, పాటలు – నరేష్‌ కుమారన్‌, స్వీకర్‌ అగస్తి, సాహిత్యం – సనాపతి భరద్వాజ పాత్రుడు, శ్రీ మణి.
