ఎస్సీ బాలికల వసతి గృహం వద్ద ఉద్రిక్త వాతావరణం..

అభము శుభము ఎరుగని ముక్కు పచ్చలారని ఇద్దరు నిరుపేద విద్యార్థునుల ఆత్మహత్యలు యాదాద్రి భువనగిరి జిల్లాలో ప్రజల కండ్లలో కన్నీళ్లు కార్ఛాయి. శనివారం రాత్రి జరిగిన కోడి భవ్య (15), గాదే వైష్ణవి(15) ఆత్మహత్యల కు నిర్లక్ష్యమే కారణం అని స్పష్టంగా కనబడుతుంది. కలిసి చదువుకున్న ఆ ఇద్దరు అమ్మాయిలు కలిసే ప్రాణాలు విడచడం చూసిన వారి మనసు బరువెక్కడం ఖాయం.  బాలికల హాస్టల్ వద్ద హాస్టల్ వార్డెన్ ఉండకపోవడం స్పష్టంగా కనబడ్డది అధికారుల వైఫల్యం బాలికలకు రక్షణ కల్పించకపోవడం హాస్టల్లో ఉన్న వంట మనిషిపై, రోజు పాఠశాలకు తీసుకపోయే ఆటో డ్రైవర్ ఆంజనేయులుపై వార్డెన్ పై పలు అనుమానాలు వ్యక్తమయ్యాయి.   విద్యార్థులను చూడడానికి భువనగిరి పట్టణంలోని మహిళలు ప్రజలు పెద్ద ఎత్తున వచ్చారు.  విద్యార్థుల మధ్య కొనసాగిన వివాదం కౌన్సిలింగ్ పేరిట పి ఈ టి, వార్డెన్లు సరైన విధంగా స్పందించలేదని ఆరోపణలు ఉన్నాయి హాస్టల్ వద్ద రక్షణ లేకపోవడం జరిగింది కనీసం హాస్టల్లో వార్డును ఉండకపోవడం పి ఈ టి సమాచారం మేరికే వచ్చినట్లు తన ఇంటికి తీసుకుపోయి అందరు విద్యార్థులు చేసిన విధంగా వారి ప్రవర్తనలో మార్పులపై కౌన్సిలింగ్ చేసినట్లు  వార్డెన్ శైలజ పేర్కొంది.

హాస్టల్ ముందు ఆందోళన: యాదాద్రి భువనగిరి జిల్లా భువనగిరి పట్టణంలోని ఎస్సీ బాలికల వసతి గృహం లో శనివారం రాత్రి ఆత్మహత్య చేసుకున్న ఇద్దరు బాలికల కుటుంబాలకు మద్దతుగా వసతి గృహం ప్రధాన గేటు ముందు  ప్రజాసంఘాలు, విద్యార్థి నాయకుల  నినాదాలతోలతో ఆదివారం తెల్లవారుజామునే దద్దరిల్లింది. మృతుల కుటుంబం పక్షాన ఐద్వా మహిళా సంఘం వారికి అండగా నిలబడ్డది. మృతి చెందిన బాలికల కుటుంబాలకు  న్యాయం చేయాలని డిమాండ్ చేశారు.   హాస్టల్ లో సి సి కెమెరాలు లేవు,  కనీస పర్యవేక్షణ లేదనీ ఆరోపించారు. సూసైడ్ లెటర్ పై అనుమానాలు ఉన్నాయని అన్నారు.  ఉరి వేసుకుంటే  పోలీసులకు ఎందుకు చెప్పలేదని హాస్టల్ అధికారులను  కుటుంబీకులు ప్రశ్నించారు.  క్లూస్ టీమ్ , సఖీ టీమ్ సభ్యులు హాస్టల్ లోకి వెళ్ళారు. వైష్ణవి తండ్రి, మేనత్త సంధ్య మాట్లాడుతూ ఉరి వేసి  చంపినట్లు ఉందని ఆరోపించారు. ఉరి వేసుకుంటే పోలీసులను ఎందుకు పిలవలేదని ఆమె అధికారులను ప్రశ్నించారు. బాలికలను హాస్టల్ నుంచి స్కూల్ కి తీసుకెళ్లే ఆటో డ్రైవర్   ఆంజనేయులు ప్రవర్తన సరిగాలేదని హాస్టల్ వార్డెన్ దృష్టికి తీసుకెళ్లామని కన్నీరు పెడుతూ తెలిపింది. అయినా వార్డెన్ చర్యలు తీసుకోలేదని    కుటుంబీకులు ఆరోపించారు. హాస్టల్ లోనికి మీడియాను అనుమతించక పోవటం పట్ల బంధువులు ఆగ్రహం వ్యక్తం చేశారు. సమగ్ర విచారణ జరిపి అధికారుల పై చర్యలు తీసుకోవాలని మృతుల కుటుంబ సభ్యులు డిమాండ్ చేశారు. నిన్న ఒక రకంగా ఒకరకంగా హాస్టల్ వార్డెన్ తో పాటు అధికారులు, పోలీసులు చెబుతున్నారని బంధువులు అనుమానం వ్యక్తం చేశారు. తాము పేద వారిమని పోలీసులు, అధికారులు చిన్న చూపు చూస్తున్నారని అన్నారు.

ఏరియా ఆసుపత్రి వద్ద పెద్ద ఎత్తున ఆందోళన: హాస్టల్లో పరిశీలించిన అనంతరం ప్రజాసంఘాల ఆధ్వర్యంలో పెద్ద ఎత్తున మృతుల కుటుంబాలకు న్యాయం చేయాలని కోరుతూ రాస్తారోకో ఆందోళన కార్యక్రమాన్ని చేపట్టారు.  ఒక్కొక్కరుగా వందలాదిమంది ఆ రాస్తారోకోలో పాల్గొన్నారు.

ఈ సందర్భంగా ప్రజా సంఘాల ఐక్యవేదిక కన్వీనర్ బట్టు రామచంద్రయ్య మాట్లాడుతూ మృతుల కుటుంబాలకు న్యాయం కావాలన్నారు విద్యార్థులు రాసిరని చెప్తున్న లెటర్ పై పూర్వం నిపుణులతో పరిశీలించి నిజాలు బయటికి తీయాలన్నారు ఒక్కొక్క కుటుంబానికి కోటి రూపాయలు చెల్లించాలన్నారు మృతుల తల్లిదండ్రులు చెప్పిన ప్రకారం పోలీసులు ఫిర్యాదు తీసుకొని విచారణ జరిపి కేసు నమోదు చేయాలన్నారు సమగ్ర విచారణ జరిపి బాధ్యులపై కఠిన చర్య తీసుకోవాలని డిమాండ్ చేశారు జిల్లా కలెక్టర్ లేక వారి తరుపున జాయింట్ కలెక్టర్ రావాలని డిమాండ్ చేశారు. భారత ప్రజాతంత్ర మహిళా సంఘం జిల్లా కార్యదర్శి బట్టుపల్లి అనురాధ శనివారం రాత్రి సంఘటన తెలిసిన వెంటనే అక్కడికి చేరుకున్నారు కుటుంబ సభ్యులకు ధైర్యం చెప్పారు తెల్లవారుజామున వారు హాస్టల్లో జరిగిన సంఘటనపై విద్యార్థులతో వివరాలు అడిగి తెలుసుకున్నారు అనంతరం ఏరియా ఆసుపత్రి వద్ద జరిగిన ధర్నాలో పాల్గొని పలు అనుమానాలను వ్యక్త చేశారు మృతికి కారణాలను పూర్తిస్థాయిలో విచారణ జరిపి బయట పెట్టాలన్నారు కారకులపై కఠిన శిక్షలు వేయాలి అన్నారు వృత్తుల కుటుంబాలను ఆదుకోవాలని కోరారు కన్న తల్లిదండ్రుల గురించి లెటర్లో ఎలాంటి రాయకపోవడం పై అనుమానాలు ఉన్నాయన్నారు హాస్టల్ వార్డెన్ ఏమీ అనొద్దు అన్న విషయం తప్ప అందులో ఏమీ లేదని అన్నారు బాలికల హాస్టల్ వద్ద కనీస రక్షణ లేదని ఆరోపించారు సీసీ కెమెరాలు లేవు అన్నారు అధికారులు సరిగా స్పందించలేదన్నారు. బాధ్యత కుటుంబాలకు ఎక్స్గ్రేషియా ఉద్యోగం కల్పించాలని కోరారు. బిజెపి జిల్లా అధ్యక్షులు పాశం భాస్కర్ మాట్లాడుతూ శిథిలావస్థలో ఉన్న ఎస్సీ హాస్టలకు రెండు కోట్లు మంజూరు చేసిన నిర్మాణం చేయకపోవడం బాధాకరమన్నారు రక్షణ లేని భవనంలో హాస్టల్లో నడిపిస్తున్నారన్నారు.

బాధిత కుటుంబాలకు ఎమ్మెల్యే కుంభం ఆర్థిక సహాయం: భువనగిరి ఎస్సీ వసతి గృహంలో ఆత్మహత్య చేసుకున్న విద్యార్థుల కుటుంబాలకు భువనగిరి ఎమ్మెల్యే కుంభం అనిల్ కుమార్ రెడ్డి  మృతుల ఇరు కుటుంబాలకు ఒక్కొక్కరికి 50 వేల చొప్పున లక్ష రూపాయలు ఆర్థిక సహాయం అందజేశారు. ఘటనపై కుటుంబ సభ్యులను పరామర్శించి తీవ్ర దిగ్బ్బ్రాంతి వ్యక్తం చేశారు. మృతులు కోరిన విధంగా వరంగల్ జిల్లాలో లేక భువనగిరిలో స్థలము తో పాటు ఇల్లు కట్టుకోవడానికి ఆర్థిక సహాయం లేక డబల్ బెడ్ రూమ్ అందిస్తామని తెలిపారు అత్యంత నిరుపేదలు కావడంతో వారి కుటుంబంలో అర్హులైన వారికి ఒక్కొక్కరికి కాంట్రాక్టు ఉద్యోగం ఇప్పిస్తానని హామీ ఇచ్చారు. ఇలాంటి ఘటనలు పునరావృతం కాకుండా  చూడాలని కుటుంబీకులు డిమాండ్ చేశారు. దీంతో అనిల్ కుమార్ రెడ్డి ప్రభుత్వం గట్టి చర్యలు తీసుకుంటుందని మీడియా ముందు వెల్లడించారు. నెలకొన్న ఆందోళన పరిస్థితి అదుపులోకి వచ్చింది.

ప్రభుత్వం సమగ్ర విచారణ జరిపి బాధ్యులను కఠినంగా శిక్షించాలి
ప్రభుత్వం విద్యార్థినులకు చెరో 20 లక్షలు ఎక్స్ గ్రేషియా ప్రకటించి ఇవ్వాలి