విరాన్‌ ముత్తంశెట్టి హీరోగా, లావణ్య హీరోయిన్‌గా శివిన్‌ ప్రొడక్షన్స్‌ బ్యానర్‌ పై రాజశేఖర్‌, సాయి కష్ణ నిర్మాతలుగా కొత్త దర్శకుడు వేణు మురళీధర్‌.వి దర్శకత్వంలో వస్తున్న సినిమా ‘ముఖ్య గమనిక’. హీరో విశ్వక్‌ సేన్‌ ముఖ్యఅతిథిగా ఈ చిత్ర ప్రీ రిలీజ్‌ ఈవెంట్‌ ఘనంగా జరిగింది. ఈ సినిమాని ఈనెల 23న గ్రాండ్‌గా విడుదల చేస్తున్నారు. ఈ సందర్భంగా హీరో విశ్వక్‌ సేన్‌ మాట్లాడుతూ, ‘విరాన్‌ నేను జిమ్‌ ఫ్రెండ్స్‌. విరాన్‌కి ఈ సినిమా మంచి సక్సెస్‌ అవ్వాలని కోరుకుంటున్నాను’ అని చెప్పారు. ‘కిరణ్‌ అందించిన మ్యూజిక్‌ చాలా బాగా వచ్చింది. నాకు ఈ అవకాశం ఇచ్చిన ప్రొడ్యూసర్స్‌కి ప్రత్యేక కతజ్ఞతలు. మంచి సినిమాతో మీముందుకు వస్తున్నాను’ అని డైరెక్టర్‌ వేణు మురళీధర్‌ అన్నారు. హీరో విరాన్‌ ముత్తంశెట్టి మాట్లాడుతూ, ‘బ్యాగ్రౌండ్‌, మ్యూజిక్‌, ఎడిటింగ్‌, సినిమాటోగ్రఫీ అన్ని చాలా బాగుంటాయి. ప్రేక్షకులకు నచ్చే అన్ని అంశాలు కూడా ఈ సినిమాలో ఉన్నాయి. ఈ సినిమా ఖచ్చితంగా మంచి సక్సెస్‌ అవుతుంది అని నమ్ముతున్నాను’ అని తెలిపారు.
