నారీ శక్తి ఫిట్ నెస్ డే విజయవంతం…

అంతర్జాతీయ మహిళా దినోత్సవం పురస్కరించుకుని కేంద్రం ప్రభుత్వం ఆదేశాల మేరకు భారతదేశ వ్యాప్తంగా నిర్వహించిన నారీ శక్తి ఫిట్ నెస్ డే ను సెర్ప్ అశ్వారావుపేట మండల శాఖ విభాగం బాధ్యులు ఎ.వెంకటేశ్వరరెడ్డి నేతృత్వంలో శనివారం  విజయవంతంగా నిర్వహించారు. ఈ మార్చి 8 ప్రపంచ మహిళా దినోత్సవాన్ని కేంద్రప్రభుత్వం నారీ శక్తి ఫిట్ నెస్ డే గా ప్రకటించింది.అయితే శుక్రవారం మహాశివరాత్రి పర్వదినం కావడంతో రాష్ట్ర ప్రభుత్వం సెలవు ప్రకటించి నందున ఆ కార్యక్రమాన్ని శనివారం నిర్వహించారు. నియోజక వర్గం కేంద్రం అయిన అశ్వారావుపేట జిల్లా పరిషత్ బాలుర ఉన్నత పాఠశాలలో క్రీడా ప్రాంగణంలో మహిళా సంఘాల సభ్యులకు 500 మీటర్ల పరుగు పందెం నిర్వహించారు.ఇందులో సెల్ఫ్ వి.ఒ.ఎ లు,స్వయం సహాయక మహిళా సమాఖ్య ల సభ్యులు పాల్గొన్నారు.ఈ కార్యక్రమాన్ని సి.సి లు సత్తిబాబు,సత్యనారాయణ,అరుణ లు పర్యవేక్షించారు.