ఇటీవలే ఫిలిం నగర్‌లోని ఎఫ్‌ఎన్‌సిసి క్లబ్‌లో ఆల్‌ ఇండియన్‌ బ్రిడ్జి 12వ టోర్నమెంట్‌ సందర్భంగా శంకర్‌ జైకిషన్‌ మధుర గీతాలను తలచుకుంటూ ఓ కార్యక్రమం ఏర్పాటు చేసిన విషయం తెలిసిందే. ఈ కార్యక్రమంలో ముఖ్య అతిథులుగా ఎఫ్‌ ఎన్‌ సి సి ప్రెసిడెంట్‌ జి. ఆదిశేషగిరిరావు, వైస్‌ ప్రెసిడెంట్‌ తుమ్మల రంగారావు, సెక్రటరీ ముళ్ళపూడి మోహన్‌, జాయింట్‌ సెక్రెటరీ వి.వి.ఎస్‌. ఎస్‌. పెద్దిరాజు, ట్రెజరర్‌ బి.రాజశేఖర్‌ రెడ్డి, మెంబర్స్‌ కాజా సూర్యనారాయణ, బాలరాజు, ఏడిద సతీష్‌ (రాజా), వరప్రసాద రావు, సామా ఇంద్రపాల్‌ రెడ్డి, ఫార్మర్‌ ప్రెసిడెంట్‌ డాక్టర్‌ కే. ఎల్‌.నారాయణ, డైరెక్టర్‌ బి. గోపాల్‌, కల్చరల్‌ కమిటీ చైర్మన్‌ తమ్మిరెడ్డి భరద్వాజ్‌, శంకర్‌ జైకిషన్‌ ఫ్యాన్స్‌ అసోసియేషన్‌ ఇంటర్నేషనల్‌ ఆర్గనైజర్‌ లక్ష్మి , లక్ష్మి నారాయణ, గురువారెడ్డి తదితరులు పాల్గొన్నారు. ఈ సందర్భంగా తమ్మిరెడ్డి భరద్వాజ్‌ మాట్లాడుతూ, ‘ఈ ఫంక్షన్‌ ఏర్పాటు చేసిన లక్ష్మికి, గురువా రెడ్డికి, మురళికి ధన్యవాదాలు. ఈ చల్లని సాయంత్రం మంచి మ్యూజిక్‌తో ఆహ్లాదకరంగా జరిగింది’ అని అన్నారు. శంకర్‌ జైకిషన్‌ ఫ్యాన్స్‌ అసోసియేషన్‌ ఇంటర్నేషనల్‌ ఆర్గనైజర్‌ లక్ష్మి మాట్లాడుతూ, ‘శంకర్‌ జైకిషన్‌ అభిమాన సంఘం 2014లో స్థాపించడం జరిగింది. కారణం నేటి సినిమా పాటలలో మెలోడీ పాటలు తగ్గిపోయాయి. పాత రోజుల్లో పాటలు ఎంత మధురంగా ఉండేవో నేటి యువతకి తెలిసేలా చేయాలి. గోల్డెన్‌ ఎరాలో అన్ని పాటలు బావుండేవి, అందరూ బాగా చేసే వారు. వారిలో ఒకరైన శంకర్‌ జైకిషన్‌ పేరు పెట్టుకున్నాము. ఈ ఆర్గనైజేషన్‌ ద్వారా ప్రజలకు వైద్య సాయం చేయడం లాంటి ఎన్నో సేవ కార్యక్రమాలు చేస్తున్నాం. భారత దేశంలో ఓ యుద్ధ సమయంలో ఇందిరా గాంధీ ఫండ్స్‌ అడిగినప్పుడు మొదటిగా శంకర్‌ జైకిషన్‌ ముందుకు వచ్చారు. అందుకే ఆయన అంటే మాకు అభిమానం. అదేవిధంగా ఎంతోమందికి ఆపరేషన్ల కోసం సహాయం చేశారు. అదే బాటలో మేము గతంలో కొంతమందికి సహాయం చేశాం. ఈ సంవత్సరం ఈశ్వర్‌ చంద్ర హాస్పిటల్స్‌ ద్వారా ప్లాస్టిక్‌ సర్జరీస్‌ ఆపరేషన్‌కి సహాయం చేయాలనుకుంటున్నాం. ఒకపక్క మంచి మెలోడీ సాంగ్స్‌ అందిస్తూనే శంకర్‌ జై కిషన్‌ కష్టాల్లో ఉన్నవారికి పేదలకు చేసిన సహాయాన్ని కొనియాడారు’ అని అన్నారు.
