– 150+ ఎగ్జిబిటర్లు, 6000+ వాణిజ్య సందర్శకులు, 250+ ప్రతినిధులు, రోబోటిక్స్ మరియు డిజిటలైజేషన్‌పై ప్రత్యేక దృష్టి
నవతెలంగాణ – హైదరాబాద్: మారుతున్న ఆరోగ్య పరిరక్షణ రంగానికి అనుగుణంగా మరియు డైనమిక్ పేషెంట్ మరియు వ్యాపార అవసరాలను తీర్చాలనే నిబద్ధతతో ప్రీమియర్ ఫార్మాస్యూటికల్ ఎగ్జిబిషన్ ఫార్మాలిటికా 9వ ఎడిషన్ ఈరోజు ప్రారంభమైంది. భారతదేశంలోని ఇన్ఫార్మా మార్కెట్స్ సంస్థ నిర్వహించే ఈ మూడు రోజుల కార్యక్రమం హైదరాబాద్‌లోని హైటెక్స్‌లో 150 మందికి పైగా ఎగ్జిబిటర్ల తో నిర్వహించడం జరుగుతుంది . దక్షిణాసియాలోని అతిపెద్ద B2B ఫార్మా ఈవెంట్, CPhI & P-MEC ఇండియా షోకు అనుబంధంగా, జరుగుతున్న ఫార్మాలిటికా లో 16 దేశాలు మరియు 21 భారతీయ రాష్ట్రాల నుండి 6000 మంది సందర్శకులను మరియు ఎక్స్‌పో వ్యవధిలో సుమారు 250 మంది ప్రతినిధులు పాల్గొనే అవకాశం ఉంది.
ఈ కార్యక్రమం ఘనంగా ప్రారంభోత్సవ వేడుకలో ముఖ్య అతిథి శ్రీ జయేష్ రంజన్, IAS, ప్రభుత్వ ప్రధాన కార్యదర్శి, తెలంగాణ ప్రభుత్వం పరిశ్రమలు & వాణిజ్య శాఖ సహా ముఖ్య ప్రముఖులు; డా. ఎ రాంకిషన్, డిప్యూటీ డ్రగ్స్ కంట్రోలర్ (ఇండియా), CDSCO; శ్రీ శంకర్ గుప్తా, చీఫ్ సేల్స్ ఆఫీసర్, ACG; శ్రీ RK అగర్వాల్, BDMA జాతీయ అధ్యక్షుడు; డాక్టర్ రెడ్డీస్ లాబొరేటరీస్ వైస్ ప్రెసిడెంట్ శ్రీ అవినాష్ కుమార్ తల్వార్, భారతదేశంలోని ఇన్ఫార్మా మార్కెట్స్ మేనేజింగ్ డైరెక్టర్ యోగేష్ ముద్రాస్ మరియు భారతదేశంలోని ఇన్ఫార్మా మార్కెట్స్ సీనియర్ గ్రూప్ డైరెక్టర్ శ్రీ రాహుల్ దేశ్ పాండే తదితరులు పాల్గొన్నారు. ఈ సందర్బంగా జయేష్ రంజన్ మాట్లాడుతూ “ఈ రంగం వేగంగా వృద్ధి చెందుతుంది. ఈ రంగంలో మా లక్ష్యాలను కూడా సవరించుకున్నాము. బల్క్ డ్రగ్స్ వరకూ మాత్రమే కాకుండా మిగిలిన అంశాల పరంగా కూడా అవకాశాలు అన్వేషించాలి. API మార్కెట్ అవకాశాలు చూడాలి ” అని అన్నారు. ఫార్మాలిటికా 9వ ఎడిషన్ సందర్భంగా, భారతదేశంలోని ఇన్ఫార్మా మార్కెట్స్ మేనేజింగ్ డైరెక్టర్ శ్రీ యోగేష్ ముద్రాస్ మాట్లాడుతూ, “సుమారు $50 బిలియన్ల ప్రస్తుత విలువతో, భారతదేశం ప్రపంచంలోనే మూడవ అతిపెద్ద ఔషధ పరిశ్రమ గా వెలుగుతుంది. 2030 నాటికి ఆదాయం $130 బిలియన్లకు పెరుగుతుందని అంచనా. భారత ఔషధ పరిశ్రమ ప్రపంచ పవర్‌హౌస్‌గా అవతరించే దిశగా తన మార్గాన్ని నిర్దేశిస్తున్నందున, ఈ ఎక్స్‌పో పరిశ్రమలో , పెట్టుబడిదారులు మరియు వాటాదారులకు ఒకే దరిన తీసుకురావటానికి కీలకమైన కార్యక్రమంగా నిలుస్తుంది..” అని అన్నారు. ప్రదర్శనలతో పాటు, పలు చర్చ లు కూడా జరుగుతున్నాయి. ఈరోజు జరిగిన చర్చల్లో ‘ఔట్‌సోర్సింగ్ తయారీకి ఔషధ పరిశ్రమ ఎందుకు మొగ్గు చూపుతోంది?’ , ‘ఫార్మాస్యూటికల్ పరిశ్రమ కోసం సోలార్ PV అడాప్షన్ ’ ; ‘ఫార్మా API పరిశ్రమలో తాజా పరిణామాలు మరియు పోకడలు’; ‘విశ్లేషణాత్మక ప్రక్రియ అభివృద్ధికి శాస్త్రీయ విధానాలు’ వంటి అంశాలు ఉన్నాయి.
Related posts:
IT Stocks: కనిష్టాలకు కుప్పకూలిన ఐటీ దిగ్గజాల షేర్లు.. ఇప్పుడు కొనడం మంచిదేనా?
Penny Shares: చిన్న షేర్లు దుమ్ము రేపుతున్నాయి..మార్కెట్లు పడినా పరుగు ఆపట్లే!
Tips To Improve General Knowledge: జనరల్ నాలెడ్జ్ పెంచుకోవాలా.. అయితే ఈ చిట్కాలు పాటించండి..
మ‌రో విడ‌త రెపో రేటు పెంచిన ఆర్బీఐ
ఆర్బీఐ కీలక నిర్ణయం
ఆధార్‌ అనుసంధానం లేకపోతే పాన్‌ కార్డు చెల్లదు