హీరో నారా రోహిత్‌ నటించిన ‘ప్రతినిధి 2’ చిత్రం విడుదలకు సిద్ధమవుతోంది. జర్నలిస్ట్‌ మూర్తి దేవగుప్తపు దర్శకత్వం వహించిన ఈ చిత్రాన్ని వానరా ఎంటర్‌టైన్‌మెంట్స్‌, రానా ఆర్ట్స్‌ బ్యానర్‌లపై కుమార్‌ రజా బత్తుల, ఆంజనేయులు శ్రీ తోట, సురేంద్రనాథ్‌ బొల్లినేని నిర్మిస్తున్నారు. ఇటీవల విడుదలైన ఈ చిత్ర టీజర్‌కు అద్భుతమైన స్పందన వచ్చింది. నారా రోహిత్‌ తన ఇంటెన్స్‌ నటనతో ఆశ్చర్యపరిచారు. మూర్తి రచన, దర్శకత్వంకు మంచి ప్రశంసలు వచ్చాయి. తాజాగా ఈ చిత్ర థియేట్రికల్‌ రైట్స్‌ను డిస్ట్రిబ్యూషన్‌, ప్రొడక్షన్‌ సంస్థ అమోఘా ఎంటర్‌టైన్‌మెంట్స్‌ సొంతం చేసుకుంది. ప్రేక్షకులు ఎంతగానో ఎదురు చూస్తున్న ఈ చిత్రం ఈనెల 25న ప్రపంచవ్యాప్తంగా విడుదల కానుంది. 10 సంవత్సరాల క్రితం 2014లో ఇదే తేదీన ‘ప్రతినిధి’ విడుదలై సంచలన విజయం సాధించింది. ‘ప్రతినిధి 2’ … ప్రతినిధి సిరీస్‌ నుండి వస్తున్న రెండవ ఫ్రాంచైజీ. ఈ సినిమాలో నారా రోహిత్‌ నిజాయితీ గల న్యూస్‌ రిపోర్టర్‌ పాత్రలో కనిపించనున్నారు. సిరీ లెల్లా కథానాయికగా నటిస్తుండగా, దినేష్‌ తేజ్‌, సప్తగిరి, జిషు సేన్‌గుప్తా, సచిన్‌ ఖేడేకర్‌ కీలక పాత్రల్లో కనిపించనున్నారు.
ఈ చిత్రానికి సంగీతం: మహతి స్వర సాగర్‌, ఎడిటర్‌: రవితేజ గిరిజాల, డీవోపీ: నాని చమిడిశెట్టి, ఆర్ట్‌: కిరణ్‌ కుమార్‌ మన్నె, స్టంట్స్‌: శివరాజు, పధ్వి, ఎగ్జిక్యూటివ్‌ ప్రొడ్యూసర్‌: కార్తీక్‌ పుప్పాల.
