గీత్‌ సైని, శ్రీచరణ్‌ రాచకొండ జంటగా నటిస్తున్న సినిమా ‘కన్యాకుమారి’. ఈ చిత్రాన్ని రాడికల్‌ పిక్చర్స్‌ బ్యానర్‌ పై దర్శక, నిర్మాతగా సజన్‌ రూపొందిస్తున్నారు. విలేజ్‌ బ్యాక్‌ డ్రాప్‌ ఎంటర్‌టైనర్‌గా రూపొందుతున్న ఈ సినిమా అన్ని కార్యక్రమాలు పూర్తి చేసుకుని గ్రాండ్‌ థియేట్రికల్‌ రిలీజ్‌కు రెడీ అవుతోంది. శుక్రవారం ఈ సినిమా నుంచి తిరుపతి క్యారెక్టర్‌ను పరిచయం చేస్తూ రైతు టీజర్‌ రిలీజ్‌ చేశారు.
శ్రీకాకుళం జిల్లాలోని పెంటపాడులో ఐదు ఎకరాల రైతు తిరుపతి. ఏడో తరగతి చదువుకున్న తిరుపతి వ్యవసాయం చేస్తుంటాడు. ఈ వత్తే అతని పెళ్లికి అడ్డుగా మారుతుంటుంది. సంబంధాల కోసం వెళ్లిన చోటల్లా ఉద్యోగస్తుడైన కుర్రాడికే మా అమ్మాయిని ఇచ్చి పెళ్లి చేస్తాం అంటారు. తిరుపతిని రైతు అనే చిన్నచూపు చూస్తుంటారు. బాగా చదువుకున్న అమ్మాయినే పెళ్లి చేసుకుంటానని తనను తక్కువ చేసి మాట్లాడిన వాళ్లతో ఛాలెంజ్‌ చేస్తాడు తిరుపతి. ఈ యువ రైతు చేసిన సవాలును నిలబెట్టుకున్నాడా లేదా అనేది సినిమాలో చూడాలి. ఫన్నీగా, ఇంట్రెస్టింగ్‌గా ఉన్న రైతు టీజర్‌ ఆందర్నీ ఆకట్టుకుంటోంది అని చిత్ర యూనిట్‌ తెలిపింది. ఈ చిత్రానికి ఎడిటింగ్‌ – నరేష్‌ అడుప, సినిమాటోగ్రఫీ – శివ గాజుల, హరిచరణ్‌ కె, మ్యూజిక్‌ – రవి నిడమర్తి, సౌండ్‌ డిజైనర్‌ – నాగార్జున తాళ్లపల్లి, కో ప్రొడ్యూసర్స్‌ – సతీష్‌ రెడ్డి చింతా, వరీనియా మామిడి, అప్పల నాయుడు అట్టాడ, సిద్ధార్థ్‌.ఎ.
