ముంబయి : ఆన్‌లైన్‌ ట్రావెల్‌, హోటల్‌ బుకింగ్‌ వేదిక ఇక్సిగో ఇన్షియల్‌ పబ్లిక్‌ ఆఫర్‌ (ఐపీఓ) తేదీని ప్రకటించింది. ఇక్సీగో మాతృసంస్థ లీ ట్రావెన్యూ టెక్నాలజీ సీఈఓ, సీఎండీ అలోక్‌ బాజ్‌పేరు, సీఎఫ్‌ఓ సౌరభ్‌ దేవేంద్ర మీడియాతో మాట్లాడుతూ.. ఈ ఇష్యూ ద్వారా రూ.740 కోట్లు సమీకరించనున్నట్టు తెలిపింది. ఐపీఓ జూన్‌ 10న ప్రారంభమై.. 12న ముగియనుందన్నారు. షేర్ల ధరల శ్రేణీని రూ.88-93గా నిర్ణయించామన్నారు. తాజా ఐపిఒలో రూ.120 కోట్లు విలువ చేసే కొత్త షేర్లను విక్రయించడంతో పాటుగా మరో 6.66 కోట్ల షేర్లను ఆఫర్‌ ఫర్‌ సేల్‌ కింద అందుబాటులో ఉంచుతోన్నామన్నారు. సమీకరించిన నిధుల నుంచి రూ.45 కోట్లు నిర్వహణ మూలధన అవసరాల కోసం కేటాయించనున్నామన్నారు. ఇష్యూలో రిటైల్‌ ఇన్వెస్టర్లు కనీసం ఒక్క లాట్‌లో 161 షేర్లను కొనుగోలు చేయాల్సి ఉంటుందన్నారు.
Related posts:
హైదరాబాద్ లో నూతన అవుట్‌లెట్‌ ను ప్రారంభించిన ది స్లీప్
25 వర్క్‌ప్లేస్‌లలో ఒకటిగా గుర్తింపు పొందిన సింక్రోనీ
S800QT QLED సిరీస్‌ను పరిచయం చేసిన హయర్ ఇండియా
మూడేళ్లలో రూ.1000 కోట్ల టర్నోవర్‌ లక్ష్యం
ఫోన్‌పేకు చెందిన ఇంటెలిజెన్స్‌పై దృష్టి సారించే ఫ్యూచర్స్, ఆప్షన్స్ విభాగం ఆవిష్కరణ
UPSC CSE 2023 ఫలితాల్లో అత్యుత్తమ ప్రతిభ కనబర్చిన అన్ అకాడమీ అభ్యాసకులు