వెన్నెల కిషోర్‌, అనన్య నాగళ్ల లీడ్‌ రోల్స్‌లో రైటర్‌ మోహన్‌ దర్శకత్వంలో రూపొందుతున్న క్రైమ్‌ కామెడీ థ్రిల్లర్‌ ‘శ్రీకాకుళం షెర్లాక్‌ హౌమ్స్‌’. శ్రీ గణపతి సినిమాస్‌ బ్యానర్‌ పై లాస్య రెడ్డి సమర్పణలో వెన్నపూస రమణ రెడ్డి ఈ సినిమాని నిర్మిస్తున్నారు. ఇప్పటికే విడుదలైన ఫస్ట్‌లుక్‌ పోస్టర్‌కి చాలా మంచి రెస్పాన్స్‌ వచ్చింది. తాజాగా మేకర్స్‌ మ్యూజిక్‌ ప్రమోషన్స్‌ స్టార్ట్‌ చేశారు. డైరెక్టర్‌ హరీష్‌ శంకర్‌ ఈ సినిమాలోని ‘మా ఊరు శ్రీకాకుళం’ టైటిల్‌ సాంగ్‌ని లాంచ్‌ చేశారు. ఈ సందర్భంగా ఆయన మాట్లాడుతూ, ‘సాంగ్‌ చూశాను. సునీల్‌ కశ్యప్‌ ఈ సాంగ్‌ని క్యాచీ అండ్‌ టచ్చింగ్‌ నెంబర్‌గా కంపోజ్‌ చేశారు. శ్రీకాకుళం గురించి సరస్వతీ పుత్ర రామజోగయ్య శాస్త్రి రాసిన లిరిక్స్‌ అద్భుతంగా ఆకట్టుకున్నాయి. మంగ్లీ ఎనర్జిటిక్‌ వోకల్స్‌ పాటకు మరింత ఆకర్షణ తీసుకొచ్చాయి. విజువల్స్‌ సూపర్‌గా ఉన్నాయి. టైటిల్‌ చాలా ఫన్నీగా ఉంది. మోహన్‌ నాకు రైటర్‌గా ఉన్నప్పటి నుంచి పరిచయం. చాలా మంచి రైటర్‌. వెన్నెల కిషోర్‌ నుంచి ఒక డిఫరెంట్‌ సినిమా ఎక్స్‌పెక్ట్‌ చేస్తున్నాం’ అని అన్నారు. సీయా గౌతమ్‌, స్నేహ గుప్తా, రవితేజ మహాద్యం, బాహుబలి ప్రభాకర్‌, మురళీధర్‌ గౌడ్‌, బద్రం, అనీష్‌ కురివెళ్ల, నాగ మహేష్‌, మచ్చ రవి, ప్రభావతి, సంగీత, శుభోదయం సుబ్బారావు, శివమ్‌ మల్హోత్రా, వాజ్‌పేరు ఐడ్రీం నాగరాజు, ఎంవీఎన్‌ కశ్యప్‌ తదితరులు నటిస్తున్న ఈ చిత్రానికి ఎగ్జిక్యూటివ్‌ ప్రొడ్యూసర్‌ : రాజేష్‌ రామ్‌ బాల, సంగీతం: సునీల్‌ కశ్యప్‌, డీవోపీ: మల్లికార్జున్‌ ఎన్‌, ఎడిటర్‌ : అవినాష్‌ గుర్లింక, ఆర్ట్‌ డైరెక్టర్‌ : బేబీ సురేష్‌, స్టంట్స్‌: డ్రాగన్‌ ప్రకాష్‌.
