ప్రస్తుతం ఇండిపెండెంట్‌ ఆల్బమ్స్‌కు ఎక్కువగా క్రేజ్‌ ఉంటోంది. స్టార్‌ హీరో, హీరోయిన్లు సైతం ఇండిపెండెంట్‌ ఆల్బమ్స్‌పై దృష్టి పెడుతున్నారు. తెలుగులో ఇండిపెండెంట్‌ ఆల్బమ్స్‌ చాలా అరుదుగా వస్తుంటాయి. ఎం.సి.హరి, ప్రొజాక్‌లు నటించిన ‘బంగారు బొమ్మ’ అనే ఇండిపెండెంట్‌ ఆల్బమ్‌ ఇప్పుడు అందరినీ ఆకట్టుకుంటోంది. ఈ పాటను గీత రచయిత చంద్రబోస్‌ విడుదల చేశారు. ఈ క్రేజీ ఇండిపెండెంట్‌ ఆల్బమ్‌ను క్రిస్టోలైట్‌ మీడియా క్రియేషన్స్‌ బ్యానర్‌ పై ప్రణీత్‌ నెకురి నిర్మించారు. ఈ పాటను రిలీజ్‌ చేసిన అనంతరం చంద్రబోస్‌ మాట్లాడుతూ, ‘బంగారు బొమ్మ అనే ఇండిపెండెంట్‌ ఆల్బమ్‌ను ఎం.సి.హరి, ప్రొజాక్‌లు రాయడమే కాకుండా స్వయంగా ఆలపించడం విశేషం. వేదం వంశీ అద్భుతమైన బాణీ కట్టారు. ఈ ఆల్బమ్‌లోని విజువల్స్‌, కాన్సెప్ట్‌ అన్నీ కూడా బాగున్నాయి. ప్రస్తుతం ఇలాంటి ఇండిపెండెంట్‌ ఆల్బమ్స్‌కి ఎక్కువగా క్రేజ్‌ ఏర్పడింది. నిర్మాత ప్రణీత్‌ అమెరికాలో డాక్టర్‌. కళ మీద ఉన్న ప్యాషన్‌తో ఇక్కడకు వచ్చి ఇలా ఇండిపెండెంట్‌ ఆల్బమ్‌ను నిర్మించారు. ఈ పాటలో రెండు లేయర్స్‌ ఉన్నాయి. ఇదొక కొత్త ఆలోచనకు నాంది. ఇలాంటి ఆల్బమ్స్‌ మరెన్నో రావాలని, ఈ పాట పెద్ద సక్సెస్‌ అవ్వాలని కోరుకుంటున్నాను’ అని అన్నారు. న్యూయార్క్‌లోని టైమ్స్‌ స్క్వేర్‌ భవనంపై బంగారు బొమ్మ సందడి చేస్తోంది. అక్కడి వారందరు బంగారు బొమ్మ పోస్టర్‌ను చూసి ఫిదా అవుతున్నారు.
