రవితేజ, డైరెక్టర్‌ హరీష్‌ శంకర్‌ కాంబోలో రాబోతున్న మోస్ట్‌ ఎవైటెడ్‌ మూవీ ‘మిస్టర్‌ బచ్చన్‌’. ఆగస్ట్‌ 15 ఇండిపెండెన్స్‌ డే రోజున ఈ చిత్రం థియేటర్లలో విడుదల కానుంది. ఆగస్ట్‌ 19న (సోమవారం) రక్షా బంధన్‌ హాలీడేతో 5 రోజుల లాంగ్‌ వీకెండ్‌ను ఈ సినిమా ఉపయోగించుకోనుంది. ఈ సినిమా ప్రీమియర్‌ షోలు ఆగస్ట్‌ 14న జరగనున్నాయి. ఈ నేపథ్యంలో రిలీజ్‌ చేసిన రవితేజ స్లిక్‌గా, స్టైలిష్‌గా కనిపిస్తున్న రిలీజ్‌ డేట్‌ పోస్టర్‌ అదిరిపోయింది. ఈ సినిమా షూటింగ్‌ పూర్తి చేసుకోవడంతో పాటు పోస్ట్‌ ప్రొడక్షన్‌ పనులు కూడా శరవేగంగా జరుగుతున్నందున రెగ్యులర్‌ అప్‌డేట్స్‌తో వచ్చేందుకు మేకర్స్‌ ప్లాన్‌ చేస్తున్నారు. జగపతి బాబు, సచిన్‌ ఖేడేకర్‌ ముఖ్య పాత్రల్లో నటించిన ఈ చిత్రాన్ని పీపుల్‌ మీడియా ఫ్యాక్టరీ బ్యానర్‌పై టిజి విశ్వప్రసాద్‌ గ్రాండ్‌ నిర్మించారు. వివేక్‌ కూచిభొట్ల సహ నిర్మాత.
