– కార్పొరేటర్‌ నార్నె శ్రీనివాస రావు
నవతెలంగాణ-కేపీహెచ్‌బీ
అసంపూర్తిగా మిగిలిపోయిన పనులు త్వరలోనే పూర్తి చేస్తామని హైదర్‌నగర్‌ డివిజన్‌ కార్పొరేటర్‌ నార్నె శ్రీనివాస రావు అన్నారు. డివిజన్‌ పరిధిలోని భాగ్యనగర్‌ కాలనీ ఫేజ్‌ – 1 లో నెలకొన్న పలు సమస్యల పరిష్కారానికి , చేపట్టవల్సిన పలు అభివద్ధి పనుల పై జీహెచ్‌ఎంసి అధికారులతో, కాలనీ వాసులతో కలిసి కార్పొరేటర్‌ సమీక్ష సమావేశం నిర్వహించారు. అనంతరం క్షేత్ర స్థాయిలో స్వయంగా పర్యటించి సమస్యలను పరిశీలించారు. ఈ సందర్బంగా కార్పొరేటర్‌ మాట్లాడుతూ హైదర్‌ నగర్‌ డివిజన్‌ సంతులిత, సమగ్ర అభివద్దే ధ్యేయంగా ముందుకు వెళుతున్నామన్నారు. దశల వారిగా అభివృద్ధి పనులు చేపడుతామన్నారు. కాలనీ లలో స్వయంగా ఇంటింటికి తిరుగుతూ ప్రజల నుంచి సమస్యలను తెలుసుకొని సత్వర పరిష్కారమే ధ్యేయంగా పనిచేస్తామన్నారు. కాలనీలను అన్ని రంగాలలో అభివద్ధి చేస్తానన్నారు. డ్రయినేజీ, రోడ్లు, మంచినీరు, వీధి దీపాలు, ఎలక్ట్రికల్‌, శానిటేషన్‌, ట్రాఫిక్‌ సంబంధిత సమస్యలను శాశ్వత పరిష్కారం చూపుతామని త్వరలోనే పనులు ప్రారంభించి కాలనీ వాసులకు ఎటువంటి ఇబ్బంది లేకుండా చూడాలని అధికారులను ఆదేశించారు. డీఈ రమేష్‌, ఏఈ రాజీవ్‌, మేనేజర్‌ ప్రశాంతి, వర్క్‌ ఇన్‌స్పెక్టర్‌ మహదేవ్‌, ఎస్‌ఆర్పి సత్యనారాయణ, హార్టికల్చర్‌ దాసు, డ్రయినేజి సూపర్‌ వైజర్‌ ఓం ప్రకాష్‌, ఎలక్ట్రికల్‌ లైన్‌ మెన్‌ వెంకటేష్‌, ఎస్‌ఎఫ్‌ఎ రమణ, ఎంటమాలజి మురళి, కాలనీ వాసులు శ్రీనివాస దాసు, సైదేశ్వర్‌ రావు, రామలింగేశ్వర రావు, విలియమ్స్‌, ఆంజనేయులు, ప్రసాద రావు, శ్రీనివాస్‌, చంద్ర మౌళి, ప్రసాద్‌, మహిళలు కష్ణ కుమారి, జ్యోతి, ఉమా రాణి , నాయకులు కుమార స్వామి, నిరంజన్‌ గౌడ్‌, నిఖిల్‌ తదితరులు పాల్గొన్నారు.
