వెంకట సాయి గుండ ప్రధాన పాత్రలో నటించిన హాలీవుడ్‌ చిత్రం ‘ది డిజర్వింగ్‌’. ఈ చిత్రం నుంచి అధికారిక పోస్టర్‌ విడుదలైంది. ఈ చిత్రం ముఖ్యంగా చిన్నతనంలో జరిగే పరిస్థితులు, గహహింస, సైకలాజికల్‌ సమస్యల వంటి సమాజ సమస్యలపై వినుత్నంగా తెరకెక్కించిన సైకలాజికల్‌ హర్రర్‌ థ్రిల్లర్‌. కేవలం థ్రిల్లర్‌ మాత్రమే కాకుండా, మంచి సందేశాన్ని కలిగి ఉంది. ఈ చిత్రంలో లీడ్‌ రోల్‌ మూగవాడు కావడం ప్రత్యేక అంశం. దీంతో చిత్ర కథ, కథనం చాలా ఆసక్తికరంగా ఉంటుంది. ఈ చిత్రం ఇప్పటికే ఫ్రాన్స్‌, టొరంటో, స్వీడన్‌, నేపాల్‌, లండన్‌, నైజీరియా, బెర్లిన్‌, స్పెయిన్‌, న్యూయార్క్‌, కేన్స్‌, రోమ్‌ వంటి దేశాల్లో అనేక అార్డులను గెలుచుకుని అంతర్జాతీయ గుర్తింపును పొందింది. ఈ చిత్రంలో నటించిన వెంకట్‌ సాయి గుండ నటనకు మంచి ప్రశంసలతోపాటు అంతర్జాతీయ వేదికలపై అనేక బెస్ట్‌ యాక్టర్‌ అవార్డులను అందుకున్నారు. ఈ చిత్రం 14వ దాదా సాహెబ్‌ ఫాల్కే అవార్డులలో ప్రత్యేకమైన స్థానాన్ని పొందింది. వెంకట సాయి గుండకు ఎలాంటి సినిమా నేపథ్యం లేదు. కరీంనగర్‌ నుంచి హాలీవుడ్‌ స్థాయికి ఆయన ఎదగటం అభినందనీయం. ఆయన ఆలోచనలకు మద్దతు ఇస్తూ ఆయన స్నేహితులు విస్మరు కుమార్‌ కోతోపల్లి, తిరుమలేశ్‌ గుండ్రత్‌ సహకారంతో ఈ హాలీవుడ్‌ చిత్రాన్ని నిర్మించారు. అక్టోబర్‌ 1న ప్రపంచ వ్యాప్తంగా ఈ సినిమా విడుదలకు సిద్ధంగా ఉంది.
