నవతెలంగాణ హైదరాబాద్– క్లినికల్ ఇన్ఫెక్షియస్ డిసీజెస్ సొసైటీ (CIDS) 14వ వార్షిక సమావేశం- CIDSCON 2024, ఆగస్టు 16న హైదరాబాద్ ఇంటర్నేషనల్ కన్వెన్షన్ సెంటర్‌లో ప్రారంభమైంది. భారతదేశంపై దృష్టి సారిస్తూ నిర్వహించిన ఈ సదస్సు అంటువ్యాధుల నిర్వహణలో తాజా పురోగతులను, సవాళ్లపై చర్చలను ప్రోత్సహించేందుకు సరైన వేదికగా పనిచేస్తుంది. ఈ ఏడాది సదస్సు ముఖ్యాంశాలు భారతదేశంలో ప్రజారోగ్యానికి ముప్పు తెచ్చే రెండు క్లిష్టమైన సవాళ్లను సూచిస్తాయి: యాంటీమైక్రోబియల్ రెసిస్టెన్స్ (AMR) మరియు ఎమర్జింగ్ ఇన్ఫెక్షన్లు.
యాంటీమైక్రోబియల్ రెసిస్టెన్స్: నిశ్శబ్ద మహమ్మారి
యాంటీమైక్రోబియల్ రెసిస్టెన్స్ (AMR) భయంకరమైన పరిణామాలతో నిశ్శబ్ద మహమ్మారిగా కొనసాగుతోంది. ముఖ్యంగా భారతదేశంలో, ప్రపంచవ్యాప్తంగా డ్రగ్-రెసిస్టెంట్ ఇన్ఫెక్షన్లు (DRIలు) అత్యధిక భారాన్ని కలిగి ఉన్నాయి. ప్రస్తుతం, భారతదేశంలో సుమారు 1 మిలియన్ AMR-సంబంధిత మరణాలు సంభవిస్తున్నాయి. ప్రతి ఏటా ప్రపంచవ్యాప్తంగా 5 మిలియన్ల మరణాలు సంభవిస్తున్నాయి. అలాగే, 2050 నాటికి, AMR ఏడాదికి 10 మిలియన్ల మరణాలకు కారణం అవుతుందని అంచనా. ఇది క్యాన్సర్ సంబంధిత మరణాలను అధిగమిస్తుంది.
యాంటీబయాటిక్స్ దుర్వినియోగం, మితిమీరిన వినియోగంతో AMR వృద్ధి అనేక వైద్యపరమైన పురోగతిని అసమర్థంగా మారుస్తుంది. భారతదేశంలో, క్లెబ్సియెల్లా జాతులు, ఎస్చెరిషియా కోలి మరియు అసినెటోబాక్టర్ జాతులు వంటి గ్రామ్-నెగటివ్ బ్యాక్టీరియాలు ప్రాథమిక రోగ కారకాలు. ఇ.కోలి మరియు క్లెబ్సియెల్లా వంటి గట్ జీవులు 70-80% కేసులలో ఎక్స్‌టెండెడ్ స్పెక్ట్రమ్ బీటా-లాక్టమేజస్ (ESBL)గా వ్యవహరించే ఒక సాధారణ రెసిస్టెన్స్ యంత్రాంగాన్ని కలిగి ఉంటాయి. వేగంగా వ్యాప్తి చెందుతున్న కార్బపెనెమ్ రెసిస్టెన్స్ తో మరణాలరేటు 40% వరకు ఎక్కువగా ఉంటుంది.
యాంటీమైక్రోబియల్ రెసిస్టెన్స్ (AMR)ని పరిష్కరించేందుకు CIDS జాగృతి కల్పిస్తున్న కార్యాచరణ ప్రయత్నాలు:
1. స్టీవార్డ్‌షిప్ ప్రోగ్రామ్‌లు: CIDS భారతదేశంలోని ఆరోగ్య సంరక్షణ సౌకర్యాలలో యాంటీమైక్రోబియల్ స్టీవార్డ్‌షిప్ ప్రోగ్రామ్‌లను ప్రోత్సహిస్తూ, అమలు చేయడంలో సహాయపడుతుంది. ఈ కార్యక్రమాలు యాంటీబయాటిక్‌ల వినియోగాన్ని ఆప్టిమైజ్ చేసే లక్ష్యాన్ని కలిగి ఉండడంతో పాటు అవి అవసరమైనప్పుడు మరియు సముచితమైనప్పుడు మాత్రమే వినియోగించబడుతున్నాయని నిర్ధారిస్తుంది.
2. పరిశోధన మరియు అభివృద్ధిని ప్రోత్సహించడం: రోగనిర్ధారణ మరియు కొత్త యాంటీబయాటిక్‌లను అభివృద్ధి చేసేందుకు పరిశోధన అత్యవసరంగా అవసరం. కాగా, CIDS ఈ రంగంలో నూతన ఆవిష్కరణలకు ప్రభుత్వ, ప్రైవేట్ రంగాల మధ్య నిధులు మరియు సహకారాన్ని పెంచాలని పిలుపునిచ్చింది.
3. నిఘా మరియు డేటా షేరింగ్: AMR నమూనాలపై మెరుగైన నిఘా అవసరం. అలాగే CIDS సకాలంలో డేటా షేరింగ్, సమాచారంతో కూడిన నిర్ణయం తీసుకోవడానికి అవకాశం కల్పిస్తూ, జాతీయ నిఘాకు మద్దతు ఇస్తూ, బలోపేతం చేసేందుకు AMR నిఘా నెట్‌వర్క్‌ను అభివృద్ధి చేయాలని సూచించింది.
4. ఇన్ఫెక్షన్ ప్రివెన్షన్ అండ్ కంట్రోల్ (IPC): ఆసుపత్రులు, సముదాయాలలో IPC చర్యలను బలోపేతం చేయడం అత్యవసరం. ఇందులో చేతి శుభ్రత, స్టెరిలైజేషన్ ప్రోటోకాల్‌లు, అంటువ్యాధులను నివారించడానికి మరియు యాంటీబయాటిక్ వినియోగాన్ని తగ్గించడానికి టీకా కార్యక్రమాలు ఉన్నాయి.
5. పబ్లిక్ అవేర్‌నెస్ క్యాంపెయిన్‌లు: యాంటీబయాటిక్ దుర్వినియోగంతో ఎదురయ్యే ప్రమాదాలకు సంబంధించి సూచించిన చికిత్సలకు కట్టుబడి ఉండవలసిన ప్రాముఖ్యతపై ప్రజలకు అవగాహన కల్పించడం చాలా అవసరం. అలాగే, CIDS ఈ సమస్యను పరిష్కరించేందుకు ప్రజలలో అవగాహనను మెరుగుపరుస్తుంది.
భారతదేశంలో అభివృద్ధి చెందుతున్న అంటువ్యాధులు:
భారతదేశంలో కొత్త అంటువ్యాధుల ఆవిర్భావంతో ఆందోళన పెరుగుతోంది. ఈ 2024లో, పశ్చిమ భారతదేశంలో 150 కన్నా ఎక్కువ చండిపురా వైరస్ మెదడువాపు కేసులు నమోదయ్యాయి. కేరళలో నిపా(Nipah) వైరస్ ఇన్ఫెక్షన్‌కు సంబంధించి కొత్త కేసులు బయటపడ్డాయి. కేరళ మరియు పశ్చిమ బెంగాల్‌లో 20కి పైగా ప్రైమరీ అమీబిక్ ఎన్సెఫాలిటిస్ కేసులు నమోదయ్యాయి. ఈ సంఘటనలు అంటు వ్యాధుల డైనమిక్ స్వభావాన్ని, అప్రమత్తత మరియు సంసిద్ధతల తక్షణ అవసరాన్ని హైలైట్ చేస్తాయి.
కార్యాచరణ ప్రయత్నాలు మరియు వాతావరణ మార్పులతో సంబంధం:
1. మెరుగైన నిఘా మరియు వేగవంతమైన ప్రతిస్పందన: అభివృద్ధి చెందుతున్న ఇన్‌ఫెక్షన్‌లను వెంటనే గుర్తించి వాటికి ప్రతిస్పందించడానికి నిఘా నెట్‌వర్క్‌ల విస్తరణ అవసరాన్ని CIDS ప్రతిపాదిస్తుంది. విస్తృతంగా వ్యాప్తి చెందకుండా నిరోధించడానికి వేగవంతమైన గుర్తింపు మరియు నియంత్రణ అవసరం.
2. ఇంటర్ డిసిప్లినరీ సహకారం: ఉద్భవిస్తున్న అంటువ్యాధులను పరిష్కరించేందుకు అంటు వ్యాధి నిపుణులు, ఎపిడెమియాలజిస్టులు, పశువైద్యులు, పర్యావరణ శాస్త్రవేత్తలు మరియు ప్రజారోగ్య అధికారులతో సహా బహుళ విభాగాలలో సహకారం అవసరం. ఈ సవాళ్లను పరిష్కరించేందుకు ఇంటర్ డిసిప్లినరీ సహకారాల ఏర్పాటుకు CIDS మద్దతు ఇస్తుంది.
3. శీతోష్ణస్థితి మార్పుపై పరిశోధన: వాతావరణ మార్పులకు అంటువ్యాధుల ఆవిర్భావం మరియు వ్యాప్తికి సంబంధించిన రుజువులు కనిపిస్తున్నాయి. ఇప్పుడు CIDS ఈ సంబంధాన్ని బాగా అర్థం చేసుకునేందుకు, వాటి ప్రభావాన్ని తగ్గించేందుకు వ్యూహాలను అభివృద్ధి చేయడానికి పరిశోధనను పెంచాలని పిలుపునిచ్చింది.
4. హెల్త్‌కేర్ ఇన్‌ఫ్రాస్ట్రక్చర్‌ను బలోపేతం చేయడం: ఉద్భవిస్తున్న ఇన్‌ఫెక్షన్‌లకు ప్రతిస్పందించే సామర్థ్యం ఆరోగ్య సంరక్షణ వ్యవస్థ బలంపై ఎక్కువగా ఆధారపడి ఉంటుంది. కొత్త బెదిరింపులను ఎదుర్కొనేందుకు దేశం సిద్ధంగా ఉందని నిర్ధారించుకునేందుకు, ముఖ్యంగా గ్రామీణ మరియు వెనుకబడిన ప్రాంతాలలో ఆరోగ్య సంరక్షణ మౌలిక సదుపాయాలపై పెట్టుబడి పెట్టాలని CIDS ప్రభుత్వాన్ని కోరింది.
5. పబ్లిక్ ఎడ్యుకేషన్ మరియు కమ్యూనిటీ ఎంగేజ్‌మెంట్: ఉద్భవిస్తున్న అంటువ్యాధులు మరియు వాతావరణ మార్పులకు వాటి సంభావ్య సంబంధాల గురించి అవగాహన పెంచడం చాలా కీలకం. నివారణ చర్యలు, లక్షణాలను ముందస్తుగా నివేదించడాన్ని ప్రోత్సహించడానికి విద్య మరియు ఔట్ రీచ్ ప్రోగ్రామ్‌ల ద్వారా కమ్యూనిటీలను మమేకం చేసేందుకు CIDS కట్టుబడి ఉంది.
భారతదేశం ఈ ముఖ్యమైన ప్రజారోగ్య సవాళ్లను ఎదుర్కొంటున్న నేపథ్యంలో క్లినికల్ ఇన్ఫెక్షియస్ డిసీజెస్ సొసైటీ దేశం ఆరోగ్యాన్ని, శ్రేయస్సును పరిరక్షించడానికి పరిశోధన, విద్య మరియు అడ్వకసీలతో ప్రముఖ ప్రయత్నాలకు కట్టుబడి ఉంది.
Related posts:
24K డిజిటల్ గోల్ట్ కోనుగొలుపై PhonePe క్యాష్‌బ్యాక్ ఆఫర్లు
‘జేథాట్’ను ఆవిష్కరించిన ఎస్‌బీఐ సెక్యూరిటీస్
బంధన్ బ్యాంక్ రెండు కొత్త శాఖలు ఆరంభం
ప్లాటినం టైటిల్‌ను గెలుచుకున్న హెచ్ డి ఎఫ్ సి లైఫ్
నెక్సస్ హైదరాబాద్ మాల్‌లో ఎండ్ ఆఫ్‌ సీజన్ సేల్
ప్రపంచ చర్మ ఆరోగ్య దినోత్సవం: బాదంపప్పుతో చర్మ సంపూర్ణ పోషణ