హీరో విశ్వక్‌ సేన్‌ నటిస్తున్న కొత్త సినిమా ‘మెకానిక్‌ రాకీ’. ఈ మాస్‌ యాక్షన్‌, కామెడీ ఎంటర్‌టైనర్‌కి రవితేజ ముళ్లపూడి రచన, దర్శకత్వం వహించారు. ఎస్‌ఆర్‌టీ ఎంటర్‌టైన్‌మెంట్స్‌ బ్యానర్‌పై నిర్మాత రామ్‌ తాళ్లూరి నిర్మిస్తున్నారు. ఈ సినిమా నుంచి ఇప్పటికే విడుదలైన ఫస్ట్‌ గేర్‌, ఫస్ట్‌ సింగల్‌కి ట్రెమండస్‌ రెస్పాన్స్‌ వచ్చింది. ఆదివారం ఈ సినిమా డబ్బింగ్‌ స్టార్ట్‌ అయ్యింది. మీనాక్షి చౌదరి, శ్రద్ధా శ్రీనాథ్‌ హీరోయిన్స్‌గా నటిస్తున్న ఈ చిత్రం అక్టోబర్‌ 31న దీపావళికి విడుదల కానుంది. నరేష్‌, వైవా హర్ష, హర్షవర్ధన్‌, రోడీస్‌ రఘు రామ్‌ తదితరులు నటిస్తున్న ఈ చిత్రానికి సంగీతం: జేక్స్‌ బిజోరు, డీవోపీ: మనోజ్‌ కటసాని, ప్రొడక్షన్‌ డిజైనర్‌: క్రాంతి ప్రియం, ఎడిటర్‌: అన్వర్‌ అలీ, ఎగ్జిక్యూటివ్‌ నిర్మాతలు: సత్యం రాజేష్‌, విద్యాసాగర్‌ జె.
