దిలీప్‌ ప్రకాష్‌, రెజీనా కసాండ్రా లీడ్‌ రోల్స్‌లో నటిస్తున్న ఇంపాక్ట్‌ ఫుల్‌ తెలుగు డ్రామా ‘ఉత్సవం’. అర్జున్‌ సాయి దర్శకత్వం వహిస్తున్నారు. హార్న్‌బిల్‌ పిక్చర్స్‌పై సురేష్‌ పాటిల్‌ ఈ చిత్రాన్ని నిర్మిస్తున్నారు. మంగళవారం ఈ సినిమా నుంచి మ్యారేజెస్‌ ఆర్‌ మేడ్‌ ఇన్‌ హెవెన్‌ సాంగ్‌ని రిలీజ్‌ చేశారు. అనూప్‌ రూబెన్స్‌ ఈ పాటని బ్యూటీఫుల్‌ సిగేచర్‌ మెలోడీగా కంపోజ్‌ చేశారు. ట్యూన్‌ విన్నవెంటనే కనెక్ట్‌ అయ్యేలా ఉండటం విశేషం. సాంగ్‌ టైటిల్‌కి తగ్గటే మ్యారేజ్‌ వైబ్‌తో ఆర్కెస్ట్రారైజేషన్‌ అద్భుతంగా ఉంది. అనంత శ్రీరామ్‌ రాసిన లిరిక్స్‌ ఈ పాటకు మరింత ఆకర్షణ తీసుకొచ్చాయి. అర్మాన్‌ మాలిక్‌ తన వోకల్స్‌తో మెస్మరైజ్‌ చేశాడు. ఈ సాంగ్‌లో లీడ్‌ పెయిర్‌ దిలీప్‌ ప్రకాష్‌, రెజీనా కసాండ్రా కెమిస్ట్రీ బ్యూటీఫుల్‌గా ఉంది. ఈ చిత్రంలో ప్రకాష్‌ రాజ్‌, నాజర్‌, రాజేంద్ర ప్రసాద్‌, బ్రహ్మానందం, అలీ, ప్రేమ, ఎల్‌.బి. శ్రీరామ్‌, అనీష్‌ కురువిల్లా, ప్రియదర్శి, ఆమని, సుధ కీలక పాత్రలు పోషిస్తున్నారు. ఇప్పటివరకు వచ్చిన సినిమాలతో పోలిస్తే పూర్తి భిన్నమైన కథతో ఈ చిత్రం రూపొందింది. సెప్టెంబర్‌ 13న ఈ సినిమా విడుదల కానుంది. ఈ చిత్రాన్ని మైత్రీ మూవీ డిస్ట్రిబ్యూటర్స్‌ ద్వారా ఏపీ, తెలంగాణలో గ్రాండ్‌గా రిలీజ్‌ కాబోతోంది. ఈ చిత్రానికి రచన, దర్శకత్వం: అర్జున్‌ సాయి, నిర్మాత: సురేష్‌ పాటిల్‌, సంగీతం: అనూప్‌ రూబెన్స్‌, సాహిత్యం: వనమాలి, భాస్కరభట్ల, అనంత శ్రీరామ్‌, గాయకులు: అనురాగ్‌ కులకర్ణి, కైలాష్‌ ఖేర్‌, అర్మాన్‌ మాలిక్‌, విజరు ప్రకాష్‌, పెంచల్‌ దాస్‌, రామ్‌ మిరియాల, ప్రొడక్షన్‌ డిజైనర్‌: బ్రహ్మ కడలి, ఎడిటర్‌: కోటగిరి వెంకటేశ్వరరావు, డీవోపీ: రసూల్‌ ఎల్లోర్‌, డైలాగ్స్‌:రమణ గోపిశెట్టి, మ్యూజిక్‌ లేబుల్‌: లహరి మ్యూజిక్‌.
