రేపు ఎంఆర్పిఎస్, ఎంఎస్పి, అనుబంధ సంఘాల సమావేశం 

నిజామాబాద్ జిల్లా కేంద్రంలో ఎమ్మార్పీఎస్, ఎం ఎస్ పి, అనుబంధ సంఘాల రాష్ట్ర కార్యవర్గ సమావేశం బుధవారం మధ్యాహ్నం నిర్వహిస్తున్నట్లు ఏం ఆర్ పి ఎస్ జిల్లా అధ్యక్షులు పోషెట్టి మంగళవారం ప్రకటనలో తెలిపారు. ఈ సమావేశానికి ముఖ్య అతిథిగా ఏం ఆర్ పి ఎస్ వ్యవస్థాపకులు మంద కృష్ణ మాదిగ వస్తున్నట్లు తెలిపారు. అలాగే తెలంగాణ రాష్ట్రంలోని 33 జిల్లాల నుంచి జాతీయ, రాష్ట్ర, జిల్లా, మండల నాయకత్వం ఈ సమావేశంలో పాల్గొనబోతుంది. సుప్రీం కోర్టులో వర్గీకరణను సాధించుకున్న తర్వాత జరుగుతున్న మొదటి రాష్ట్ర స్థాయి కార్యవర్గ సమావేశం ఇది అని తెలియజేశారు. ఈ కార్యక్రమానికి ఎమ్మార్పీఎస్ ఎంఎస్పి అనుబంధ సంఘాల నాయకులు సకాలంలో హాజరై కార్యక్రమాన్ని విజయవంతం చేయాలని కోరారు.