దీపావళి కానుకగా రిలీజ్‌

Released as a Diwali gift‘ఉగ్రమ్‌’ ఫేమ్‌ శ్రీమురళి నటించిన నయా యాక్షన్‌ ఎంటర్‌టైనర్‌ ‘బఘీర’. ప్రశాంత్‌ నీల్‌ కథ అందించిన ఈ చిత్రానికి డాక్టర్‌ సూరి దర్శకత్వం వహిస్తున్నారు. హోంబలే ఫిలింస్‌ బ్యానర్‌పై విజయ్ కిరగందూర్‌ నిర్మించిన ఈ మూవీ ఈనెల 31న ప్రపంచవ్యాప్తంగా థియేటర్లలో విడుదల కానుంది. ఫస్ట్‌ సింగిల్‌, ట్రైలర్‌ ఇప్పటికే సంచలనాన్ని సష్టించాయి. ఇప్పుడు సెకండ్‌ సింగిల్‌- పరిచయములే.. రిలీజ్‌ చేశారు మేకర్స్‌. ఈ పాట శ్రీమురళి, రుక్మిణి వసంత్‌ ప్రేమకథని ప్రజెంట్‌ చేసింది. అజనీష్‌ లోక్‌నాథ్‌ స్వరపరిచిన ఈ హార్ట్‌ టచ్చింగ్‌ నెంబర్‌ రెండు పాత్రల మధ్య కెమిస్ట్రీని అందంగా చూపించింది. శ్రీమురళి టఫ్‌ పోలీసు ఆఫీసర్‌. స్త్రీలకు హాని కలిగించే వారిని కఠినంగా శిక్షిస్తుంటాడు. రుక్మిణి సున్నితమైన ప్రవర్తన కలిగిన డాక్టర్‌. రెండు డిఫరెంట్‌ వ్యక్తిత్వాలను పాటలో బ్యుటీఫుల్‌గా ప్రజెంట్‌ చేశారు. రాంబాబు గోసాల రాసిన లిరిక్స్‌ అందర్నీ ఆకట్టుకున్నాయి. రితేష్‌ జి రావు తన వోకల్స్‌తో మెస్మరైజ్‌ చేశారు. ఈ చిత్రాన్ని ఏషియన్‌ సురేష్‌ ఎంటర్‌టైన్‌మెంట్‌ ఎల్‌ఎల్‌పి తెలుగు ప్రేక్షకుల ముందుకు తీసుకువస్తోంది.