అజిత్‌ దాల్మియా నిర్మాణంలో దర్శకుడు ప్రమోద్‌ కుమార్‌ తెరకెక్కించిన చిత్రం ‘ఫౌజా’. కార్తీక్‌ దమ్ము, ఐశ్వర్యా సింగ్‌, పవన్‌ మల్హోత్ర ప్రధాన పాత్రల్లో నటించారు. రాహి ప్రొడక్షన్స్‌, పీకే ప్రొడక్షన్‌ సమర్పణలో వచ్చిన ఈ హిందీ సినిమా అందర్నీ అలరించింది. ఈ చిత్రానికి మూడు జాతీయ అవార్డులు లభించడం విశేషం. ఈ చిత్రాన్ని తెలుగులోనూ రిలీజ్‌ చేయబోతున్నారు. ఈ సందర్భంగా శనివారం ప్రసాద్‌ల్యాబ్స్‌లో ఈ చిత్రాన్ని ప్రత్యేకంగా ప్రదర్శించారు. ఈ కార్యక్రమంలో చిత్ర కథానాయకుడు కార్తీక్‌ దమ్ము, హీరో విజరుధరన్‌ దాట్ల, ఏపీ అడిషనల్‌ చీఫ్‌ సెక్రటరీ దమ్ము మురళీ మోహన్‌, హర్యానా ప్రిన్సిపల్‌ సెక్రటరీ డా. డి.సురేష్‌, కాంతి డి.సురేష్‌ ముఖ్య అతిథులుగా పాల్గొన్నారు. ఈ సందర్భంగా హీరో కార్తీక్‌ దమ్ము మాట్లాడుతూ, ‘సినిమాకి భాషా సరిహద్దులు ఉండవు. మరీ ముఖ్యంగా ఇలాంటి చిత్రానికి భాషతో సంబంధం ఉండదు. త్వరలోనే తెలుగు, తమిళ భాషల్లోకి ఈ చిత్రం రానుంది. అందరూ మా సినిమాను చూసి ఎంజారు చేయండి’ అని అన్నారు. ‘ఇది ఎప్పటికీ ఎవర్‌గ్రీన్‌ మూవీ. ఈ సినిమాకు మూడు నేషనల్‌ అవార్డ్స్‌ వచ్చాయి. తెలుగు ప్రేక్షకులను సైతం ఈ సినిమా అలరిస్తుందనే నమ్మకంతో ఉన్నాం’ అని మరో హీరో విజరు ధరన్‌ దాట్ల చెప్పారు. నిర్మాత అజిత్‌ దాల్మియా మాట్లాడుతూ, ‘డబ్బులు ఎన్ని ఉన్నా కూడా బ్రాండెడ్‌ బట్టల్ని కొనగలం. కానీ ఇండియన్‌ ఆర్మీ యూనిఫామ్‌ని మాత్రం కొనలేం. దాన్ని కష్టంతో, ఇష్టంతో సాధించుకోవాలి. దేశ భక్తి ఉంటేనే అది మన సొంతం అవుతుంది అని చూపించే సినిమా ఇది’ అని తెలిపారు. ‘దేశం అంటే ప్రేమ, భక్తి ఉన్న ప్రతీ ఒక్కరికి ఈ సినిమా నచ్చుతుంది’ అని దర్శకుడు ప్రమోద్‌ కుమార్‌ న్నారు. ఈ చిత్రానికి మ్యూజిక్‌: యుగ్‌ భూషల్‌.
