కార్మికుల కర్షకుల నవ్వులే

దీపావళి వెండి వెలుగులవుతాయి
కర్షకుడి దిగుబడి
కార్మికుడి కూలిడబ్బులు
చిచ్చుబుడ్డిలా నిండుగా చిమ్మితేనే
మొహాలు మతాబుల్లా వెలిగిపోతాయి
అనూహ్య విలయాలు
పనులు దొరకని కరువులు
మేఘమల్లే కమ్మితే
బతుకులు తడిసిన టపాసులవుతాయి
రైతుకి గిట్టుబాటు ధర
శ్రామికుడికి శ్రమకు తగ్గ ధర
దొరికిన రోజు వాళ్ల
జీవితాలు కాకరపువ్వొత్తుల్లా వెలిగిపోతాయి
రైతులు మట్టినే నమ్ముకున్నా
కార్మికులు శ్రమనే అమ్ముకున్నా
వాళ్ల కుటుంబాలు
మూడు పూటలా అన్నం
తినగలిగే రోజు
దేశ భవిష్యత్తు తారాజువ్వల్లా
అభివృద్ధి నింగిలోకి
దూసుకుపోతాయి..!!
– బి.పురుషోత్తమ్‌,
9949800253

Related posts:

పేదరికాన్ని అంచనా కట్టడం ఇలాగేనా? తప్పెవరిది? శిక్షెవరికి? గాజాపై ఇజ్రాయిల్‌ అమానుష దాడి-భారత్‌ మౌనం బీమా రంగంలో కార్పొరేట్‌ అనుకూల మార్పులు మహిళలు, పిల్లలపై లైంగికదాడులు అడ్డుకోవాలి నిస్సార బతుకు