హీరో శివరాజ్‌ కుమార్‌ నటించిన తాజా చిత్రం ‘భైరతి రణగల్‌’. ఈ సినిమా శనివారం విడుదలై విశేష ప్రేక్షకాదరణ పొందింది. భారీ ఓపెనింగ్స్‌తో ఘన విజయాన్ని సొంతం చేసుకుంది. సూపర్‌ హిట్‌ మూవీ ‘మఫ్తీ’కి ప్రీక్వెల్‌గా డైరెక్టర్‌ నర్తన్‌ ఈ చిత్రాన్ని రూపొందించారు. గీతా పిక్చర్స్‌ బ్యానర్‌ పై గీతా శివరాజ్‌ కుమార్‌ దీన్ని నిర్మించారు. త్వరలోనే ఈ సినిమా తెలుగు ప్రేక్షకుల ముందుకు రానుంది. ఈ సినిమా బ్లాక్‌బస్టర్‌ హిట్‌ అందుకున్న సంతోషంలో శివరాజ్‌ కుమార్‌ అభిమానులు సినిమాలోని ఆయన మేకోవర్‌తో థియేటర్స్‌ వద్ద సందడి చేస్తున్నారు. ఈ చిత్రంలో ఇతర కీలక పాత్రల్లో రాహుల్‌ బోస్‌, నానా పటేకర్‌, రుక్మిణి వసంత్‌, అవినాష్‌, యోగి బాబు, దేవరాజ్‌ నటించారు. తెలుగులోనూ పలు క్రేజీ ప్రాజెక్ట్స్‌లో నటిస్తున్న శివరాజ్‌ కుమార్‌ ఈ మూవీతో ఇక్కడ కూడా మంచి విజయాన్ని అందుకోబోతున్నారు అని మేకర్స్‌ తెలిపారు.
