అల్లరి నరేష్‌ నటిస్తున్న యూనిక్‌ మాస్‌, యాక్షన్‌ ఎంటర్‌టైనర్‌ ‘బచ్చల మల్లి’. ‘సోలో బ్రతుకే సో బెటర్‌’ ఫేమ్‌ సుబ్బు మంగదేవి దర్శకత్వంలో హాస్య మూవీస్‌ బ్యానర్‌పై రాజేష్‌ దండా, బాలాజీ గుత్తా నిర్మించిన ఈ చిత్రం థియేట్రికల్‌ విడుదలకు సిద్ధమవుతోంది. మేకర్స్‌ అధికారికంగా అనౌన్స్‌ చేసినట్లుగా, డిసెంబర్‌ 20న ప్రపంచవ్యాప్తంగా ఈ సినిమా ప్రేక్షకుల ముందుకు రానుంది.
క్రిస్మస్‌, న్యూ ఇయర్‌ హాలీడేస్‌ బెనిఫిట్‌ ఉంటుంది కాబట్టి సినిమా థియేటర్లలోకి రావడానికి ఇది పర్ఫెక్ట్‌ టైం. నరేష్‌ రగ్గడ్‌ న్యూ లుక్‌లో రిలీజ్‌ డేట్‌ పోస్టర్‌ అందరి దృష్టినిఇ ఆకర్షించింది. ఫస్ట్‌ లుక్‌, బర్త్‌ డే స్పెషల్‌ గ్లింప్స్‌, ఫస్ట్‌ గ్లింప్స్‌కి అద్భుతమైన రెస్పాన్స్‌ వచ్చింది. అమత అయ్యర్‌ కథానాయికగా కనిపించనున్న ఈ చిత్రానికి ‘సీతారామం’ ఫేమ్‌ విశాల్‌ చంద్రశేఖర్‌ సంగీతం సమకూరుస్తున్నారు అని చిత్ర యూనిట్‌ తెలిపింది.
‘ఇప్పటివరకు అల్లరినరేష్‌ని చూడని కోణంలో ప్రజెంట్‌ చేసే సినిమా ఇది. అలాగే కథాపరంగా కూడా ప్రేక్షకులకు సరికొత్త అనుభూతినిస్తుంది. దర్శకుడు సుబ్బు ఈ కథని అత్యద్భుతంగా తెరకెక్కించారు. ఈసినిమా ఆయనతోపాటు మా అందరికీ మంచి పేరు తీసుకొస్తుంది. క్రిస్మస్‌ కానుకగా ఈ చిత్రాన్ని డిసెంబర్‌ 20న భారీ స్థాయిలో రిలీజ్‌ చేస్తున్నాం. ఇది అన్ని వర్గాల ప్రేక్షకులను మెప్పించే సినిమా అవుతుందనే నమ్మకంతో ఉన్నాం’ అని నిర్మాతలు తెలిపారు. రోహిణి, రావు రమేష్‌, అచ్యుత్‌ కుమార్‌, బలగం జయరామ్‌, హరి తేజ, ప్రవీణ్‌, వైవా హర్ష తదితరులు నటిస్తున్న ఈ చిత్రానికి కథ, మాటలు, దర్శకత్వం – సుబ్బు మంగదేవి, నిర్మాతలు – రాజేష్‌ దండా, బాలాజీ గుత్తా, స్క్రీన్‌ ప్లే: విప్పర్తి మధు, అడిషినల్‌ స్క్రీన్‌ ప్లే: విశ్వనేత్ర, సంగీతం- విశాల్‌ చంద్రశేఖర్‌, డీవోపీ- రిచర్డ్‌ ఎం. నాథన్‌, ఎడిటింగ్‌- ఛోటా కె ప్రసాద్‌, ప్రొడక్షన్‌ డిజైన్‌- బ్రహ్మ కడలి.
