ప్రపంచం సాంకేతిక రంగంలో ఎంతగా దూసుకుపోతున్నా మన దేశం కొంత వెనకబడే ఉంది. అందునా మహిళలు మరింత దూరంగా ఉన్నారు. వ్యాపారం చేసే మహిళలు ఏఐని ఉపయోగించుకోవడంలో అంత చొరవ చూపడం లేదు. అభివృద్ధి చెందుతున్న సాంకేతికతపై అవగాహన లేకపోవడమే దీనికి ప్రధాన కారణం. అందుకే మహిళలు టెక్నాలజీ గురించి నిరంతరం అధ్యయనం చేయాలని అంటున్నారు. గాయత్రీ అగర్వాల్‌ దీని కోసమే ఓ సంస్థను స్థాపించి సాంకేతిక పరిజ్ఞానాన్ని అభివృద్ధి చేసుకునేందుకు మహిళలను ప్రేరేపిస్తున్నారు. తాను చేస్తున్న కృషి గురించి ఓ వెబ్‌సైట్‌తో ఆమె పంచుకున్న విశేషాలు…
గాయత్రి ఒడిశా రాష్ట్రంలోని కిషన్‌గఢ్‌కు చెందిన ఓ వ్యాపార కుటుంబంలో పుట్టారు. అటువంటి వాతావరణంలో పెరిగిన ఆమె వ్యాపారవేత్తగా ఎదగాలని భవిష్యత్తు మార్గాన్ని రూపొందించుకున్నారు. చిన్నప్పటి నుండి తండ్రి, మామ, తాత ఫోన్‌ల ద్వారా వ్యాపారం చేయడం గమనించారు. తెలియకుండానే కుటుంబ సభ్యులో ఆమెలో వ్యవస్థాపక స్ఫూర్తిని నింపారు. కిషన్‌గఢ్‌లో 10వ తరగతికి మించి చదువుకునే అవకాశం లేదు. అందుకే గాయత్రి ఏడవ తరగతిలో ఉన్నప్పుడే ఆమె కుటుంబం ఆంధ్రప్రదేశ్‌లోని వైజాగ్‌కు మారింది.
సాంకేతిక నైపుణ్యాలతో
ముగ్గురు తోబుట్టువులలో పెద్దదైన గాయత్రిపై అందరికీ ఎన్నో అంచనాలు ఉండేవి. నేర్చుకోవడం, సృజనాత్మకత పట్ల ఆమెకున్న అభిరుచి ఆమెను మరింత ముందుకు తీసుకెళ్లింది. ఆమె ఎప్పుడో వ్యాపారం వైపు ఆకర్షితురాలైంది కాబట్టి గాయత్రి కాలేజీ చదువుకు వచ్చే సరికి వాణిజ్యాన్ని ఎంచుకున్నారు. అయితే అతి తక్కువ కాలంలోనే తనకు డిజైన్‌, ఆర్కిటెక్చర్‌ పట్ల ఆసక్తి ఉన్నట్టు గ్రహించారు. ఈ అభిరుచి ఆమెను ముంబైలో ఐదేండ్ల ఆర్కిటెక్చర్‌ డిగ్రీని అభ్యసించేలా చేసింది. అక్కడ డిజిటల్‌ ఆర్కిటెక్చర్‌ను అన్వేషిస్తున్నప్పుడు అనుకోకుండా కోడింగ్‌ గురించి తెలుసుకున్నారు. ఈ అనుభవంతో ఆమె తన సృజనాత్మకతను సాంకేతిక నైపుణ్యాలతో కలపడం ద్వారా మరిన్ని కొత్త అవకాశాలకు అందుకున్నారు. ‘ఆర్కిటెక్చర్‌ నాకు సృజనాత్మకత, సమస్యల పరిష్కారంలో బలమైన పునాదిని ఇచ్చింది. కానీ కోడ్‌ నేర్చుకోవడం వల్ల నాకు ఆవిష్కరణను చూడటానికి కొత్త దృష్టిని ఇచ్చింది’ అని ఆమె చెప్పారు.
ALTRD వెనుక స్ఫూర్తి
కోవిడ్‌-19 మహమ్మారి సమయంలో గాయత్రి తన సొంతూరు నుండి అంతర్జాతీయ క్లయింట్‌ల కోసం ఫ్రీలాన్సింగ్‌ చేస్తున్నప్పుడు డేటా, ఆర్టిఫిషియల్‌ ఇంటెలిజెన్స్‌ (AI), మెషిన్‌ లెర్నింగ్‌ (ML) వంటివి పరిశ్రమల అంతటా పరివర్తన శక్తులుగా ఎలా అభివృద్ధి చెందుతున్నాయో గమనించారు. గాయత్రి స్పెయిన్‌లో మెషిన్‌ లెర్నింగ్‌, డేటా సైన్స్‌లో మాస్టర్స్‌ డిగ్రీని అభ్యసించి పైథాన్‌, AIలలో నైపుణ్యాన్ని పొందారు. బార్సిలోనా నగర ప్రభుత్వం కోసం AIని అభివృద్ధి చేయడంతో ఆమె ప్రయాణం నిర్ణయాత్మక మలుపు తీసుకుంది. ఆమె తన పనికి అవార్డును సైతం పొందారు. ఆన్‌లైన్‌లో తన అనుభవాలను పంచుకున్న తర్వాత భారతదేశంలోని గాయత్రి నెట్‌వర్క్‌ ఒక అసంపూర్ణ అవసరాన్ని ఎత్తిచూపింది.
వర్క్‌ఫ్లోలకు అనుగుణంగా
A× ప్రపంచవ్యాప్తంగా ట్రాక్షన్‌ పొందుతున్నా భారతీయ వ్యాపారాలు తరచుగా వారి వర్క్‌ఫ్లోలకు అనుగుణంగా దాన్ని ఉపయోగించుకో లేకపోతున్నారు. ఈ సమస్యను పరిష్కరించాలనే ఉద్దేశం డిసెంబర్‌ 2022లో ALTRD ప్రారంభానికి దారితీసింది. ‘ఒక పనిని పూర్తి చేయడానికి వ్యాపారాలు ఐదు లేదా ఆరు సాధారణ సాధనాలను ఉపయోగించడం నేను చూశాను. వర్క్‌ఫ్లోలను సజావుగా క్రమబద్ధీకరించేందుకు AI ద్వారా పరిష్కారాలను రూపొందించాలని మేము నిర్ణయించుకున్నాము’ ఆమె చెప్పారు. రిటైల్‌ సిఫార్సు బాట్‌ల నుండి టెక్‌-ఆధారిత మార్కెటింగ్‌ ప్రచారాల వరకు వ్యాపారాల కోసం బెస్పోక్‌ AI సాధనాలను రూపొందించడంలో ఆమె కంపెనీ ప్రత్యేకత కలిగి ఉంది. సాధారణ సాధనాల మాదిరిగా కాకుండా ఈ AI పరిష్కారాలు ప్రతి క్లయింట్‌ నిర్దిష్ట డేటా, అవసరాలకు అనుగుణంగా ఉంటాయని గాయత్రి పంచుకున్నారు. ఉదాహరణకు కంపెనీ ఇటీవల ఇ-కామర్స్‌ వెబ్‌సైట్‌లలోని వినియోగదారులను వ్యక్తీకరించిన శోధనలపై ఇన్‌పుట్‌లను అందించడానికి అనుమతించే ఓ విధానాన్ని అభివృద్ధి చేశారు. లాప్‌టాప్‌ పెట్టుకునేందుకు అనువుగా ఉండే ఓ బ్యాగ్‌, ప్రయాణంలో ఉపయోగించుకునేందుకు అవసరమై వాటర్‌ బాటిల్‌ హోల్డర్‌ వంటివి రూపొందించారు. ఫ్లిప్‌కార్ట్‌, అమెజాన్‌ వంటి బ్రాండ్‌ల నుండి వినియోగదారులు వీటిని పొందొచ్చు. ‘ఉమెన్స్‌ డే క్యాంపెయిన్‌లలో మా ఈ ప్రయత్నం 12 మిలియన్‌ల మందికి చేరుకుంది. ఇది AI, సృజనాత్మకతను కలపడం ద్వారా దాని ప్రభావాన్ని చూపించగలుగుతుంది’ అని గాయత్రి చెప్పారు.
మహిళలకు సవాళ్లు, అవకాశాలు
పురుషుల ఆధిపత్యం ఉన్న రంగంలోకి ప్రవేశించినప్పుడే ఇందులో తాను విజయం సాధించగలనా లేదా అనే ఎన్నో సందేహాలు గాయత్రికి వచ్చాయి. అయినప్పటికీ ఆమె స్పష్టంగా ఉన్నారు. తన విశ్వాసం, నైపుణ్యంతో లింగ బేధాలను విచ్ఛిన్నం చేసేందుకు పోరాటం చేస్తున్నారు. ‘ఇంజనీరింగ్‌, AI విధానంలో దరఖాస్తుదారులు దాదాపుగా పురుషులే ఉంటారు. అయితే మహిళలు ఎక్కువగా క్లయింట్‌-ఫేసింగ్‌ పాత్రల కోసం దరఖాస్తు చేసుకుంటారు’ అని ఆమె అంటున్నారు. ఈ అడ్డంకులు ఉన్నప్పటికీ టెక్‌లో మహిళలకు మద్దతు ఇవ్వడానికి తాను కట్టుబడి ఉన్నానని చెప్పారు. మహిళా వ్యాపారవేత్తలకు మార్గదర్శకత్వం వహించడానికి, వారి వర్క్‌ఫ్లోలలో AIని ఏకీకృతం చేయడానికి WOW (మహిళా అవకాశాల నెట్‌వర్క్‌), GenX వంటి మహిళా కేంద్రీకృత సంఘాలతో కలిసి ఆమె పని చేస్తున్నారు. ‘టెక్‌లో మహిళా పారిశ్రామికవేత్తలను చేరుకోండి. మాలో చాలా మంది మీకు మార్గనిర్దేశం చేయడానికి, మద్దతు ఇవ్వడానికి సిద్ధంగా ఉన్నారు. AI వంటి ఫీల్డ్‌లో అప్‌డేట్‌గా ఉండటం చాలా అవసరం. కనుక దాన్ని అధ్యయనం చేయడం ఎప్పుడూ ఆపవద్దు’ అని ఆమె తన మాటలు ముగించారు.
బృంద సభ్యులే కీలకం
కేవలం ఒక్క ఏడాదిలోనే ALT 35కి పైగా బ్రాండ్‌లతో పని చేస్తూ గణనీయంగా అభివృద్ది చెందింది. ‘ఒకసారి నిర్మించడం, స్వల్ప అనుకూలీకరణలతో అనేకసార్లు విక్రయించడం, అధిక లాభదాయకతను కొనసాగిస్తూ వేగవంతమైన వృద్ధిని సాధించడం మా విధానం. పెద్ద పరిశ్రమలో పనిచేస్తున్నప్పటికీ మా లాభ మార్జిన్లు 70-80%కి చేరుకున్నాయి. దీనికి కారణం మా చిన్న, సమర్థవంతమైన 10 మంది ప్రధాన సభ్యుల బృందం. మా స్కేలింగ్‌ వ్యూహాత్మకమైనది. మా పనిలో సున్నితమైన క్లయింట్‌ డేటా ఉంటుంది. కాబట్టి మేము మా బృందం విషయంలో చాలా జాగ్రత్తగా ఉంటాము. ఆలోచనాత్మకంగా నియమించుకోవడం, నమ్మకాన్ని కాపాడుకోవడం చాలా ముఖ్యం’ అని గాయత్రి జత చేస్తున్నారు.
