నవతెలంగాణ – కంటేశ్వర్
జిల్లా విద్యాశాఖ అధికారి పక్షపాత వైఖరిని తీవ్రంగా ఖండిస్తున్నామని డెమొక్రటిక్ టీచర్స్ ఫెడరేషన్, రాష్ట్ర ఉపాధ్యక్షులు శాంతన్ జిల్లా కార్యదర్శులు రాజన్న లు ప్రకటనలో గురువారం మండిపడ్డారు. జిల్లా విద్యాశాఖ అధికారి తప్పు చేసిన వారి విషయంలో చర్యలు తీసుకోవడంలో పక్షపాతం, కక్షపూరిత వైఖరి ప్రదర్శిస్తున్నాడు. ఇటీవల జరిగిన రెండు సంఘటనల నేపథ్యాన్ని పరిశీలించినప్పుడు జిల్లా విద్యాశాఖ అధికారి దృష్టికి వచ్చిన మరుక్షణమే సస్పెన్షన్ వేటు వేయవలసిన తన కార్యాలయం సిబ్బంది (ఎస్టాబ్లిష్మెంట్ జూనియర్ అసిస్టెంట్) అశ్రర్ విషయంలో మి న్నకుండడం, ఈ ఉద్యోగి ఏకంగా జిల్లా విద్యాశాఖ అధికారికి 5000 లంచం ఇస్తే డిప్యూటేషన్ ఆర్డర్ రద్దు చేయిస్తానని వాయిస్ రికార్డింగ్ వైరాలైనప్పటికీ ఈ రికార్డింగ్ ను ఉపేక్షించడంలో పలు అనుమానాలకు తావిస్తోంది. లంచం అడిగిన వ్యక్తికి డీఈవో బాసటగా నిలవడం విమర్శలకు తావిస్తుంది. పెట్టిన డిప్యూటేషన్లు కూడా పూర్తిగా అక్రమం ఇటువంటి ఉత్తర్వులు వెలువడుటకు కారకులైన వారిపై ఎటువంటి చర్యలకు ఉపక్రమించకపోవడం డిఇఓ పక్షపాత వైఖరిని తెలియజేస్తుంది. ఎస్ఎంసి తీర్మానం మేరకు యూనిఫాంలు కుట్టడానికి కొంత మొత్తం విద్యార్థుల నుండి వసూలు చేశాడని పడగల్ ప్రధాన ఉపాధ్యాయున్ని అగ మేఘాల మీద సస్పెండ్ చేయడం సరేంది కాదు, ఈ విషయంలో డిపార్ట్మెంటల్ విచారణ జరిపి చర్యలు తీసుకునే అవకాశం ఉన్నప్పటికీ అత్యుత్సాహం ప్రదర్శించి సస్పెండ్ చేయడాన్ని డిటిఎఫ్ పక్షాన తీవ్రంగా ఖండిస్తున్నాం. సదరు ప్రదానోధ్యాయుడు ఒక ఉపాధ్యాయ సంఘానికి రాష్ట్ర నాయకుడిగా, యుఎస్ పిసి రాష్ట్ర స్టీరింగ్ కమిటీ సభ్యుడిగా ఉండి విద్యాశాఖలో అవినీతి అక్రమాలను ఖండిస్తు యూఎస్పిసి పక్షాన ఫిర్యాదులు చేస్తున్నాడనే అక్కసుతోనే ప్రతికార ఈ సస్పెన్షన్ చర్యగా అగుపిస్తుంది. నిజానికి ఆఫీస్ సబార్డినేట్ గంగాధర్ తో సంభాషించిన వాయిస్ రికార్డింగ్ బయటకు రావడం అంటే ఇకముందు అవినీతి అక్రమార్కులకు హెచ్చరికగా పరిగణించాలి. అంతేకాకుండా ఆఫీస్ సబార్డినేట్ గంగాధర్ను అభినందించాలి. కానీ గంగాధర్ ను మానసికంగా వేధించేందుకు పలు రకాల షోకాజులు, మెమోలు, ఆర్టికల్ ఆఫ్ చార్జెస్ జిల్లా విద్యాశాఖ అధికారి ఇవ్వడం పట్ల ఖండిస్తున్నాం. గంగాధర్ పై వేధింపులను మాని తక్షణమే అక్రమ డిప్యూటేషన్లకు కారకులైన జిల్లావిద్యాశాఖ సిబ్బందిపై క్రమశిక్షణ చర్యలు తీసుకోవాలని విజ్ఞప్తి చేస్తున్నాం అని తెలిపారు.
