హీరో విష్ణు మంచు, ఆయన సతీమణి విరానికా మంచు వారి వ్యక్తిగత హెయిర్‌ స్టైలిస్ట్‌ మహేష్‌కి సంబంధించిన టొయో యునిసెక్స్‌ సెలూన్‌ను శుక్రవారం బంజారా హిల్స్‌లో ప్రారంభించారు. లాంచ్‌ స్పాట్‌లో ముఖ్య అతిథుల సమక్షంలో ఈ ప్రారంభోత్సవ వేడుక ఘనంగా జరిగింది. ఈ సందర్భంగా హీరో విష్ణు మంచు మాట్లాడుతూ, ‘నేను స్టోర్స్‌ ఓపెనింగ్స్‌కు చాలా అరుదుగా వెళ్తుంటాను. మహేష్‌ నా పర్సనల్‌ హెయిర్‌ స్టైలిస్ట్‌. చాలా టాలెంటెడ్‌ పర్సన్‌. 5 సంవత్సరాల క్రితం పర్మనెంట్‌ పర్సనల్‌ హెయిర్‌ స్టైలిస్ట్‌ కోసం వెతుకుతున్నప్పుడు నాకు ఈయన తారసపడ్డాడు. మహేష్‌ ఎంతో కష్టపడి ఈ స్థాయికి వచ్చాడు. హెయిర్‌ స్టయిలింగ్‌లో ఇంకా ఎక్కువగా మెళుకువలు నేర్చుకోవాలని దుబారు, యూరప్‌కు పంపాను. ‘కన్నప్ప’ చిత్రానికి కూడా స్టైలిస్ట్‌గా పని చేశాడు. ఇప్పుడు ఇలా కొత్తగా సెలూన్‌ ప్రారంభించడం ఆనందంగా ఉంది’ అని అన్నారు. ‘నేను సెలూన్‌ ప్రారంభించాలని అనుకున్నప్పుడు విష్ణుకి చెప్పాను. నా నైపుణ్యాన్ని పెంచుకోవడానికి ఆయన నాకు సలహా ఇచ్చారు. అలాగే ‘కన్నప్ప’ సినిమాకు అవకాశం ఇచ్చారు. ఇప్పుడు ఆయన ఆశీర్వాదంతో సెలూన్‌ని ప్రారంభించాను’ అని టొయో యునిసెక్స్‌ సెలూన్‌ మహేష్‌ చెప్పారు.
