వైవిధ్యమైన, భారీ సినిమాలకు కేరాఫ్‌ దర్శకుడు గుణశేఖర్‌. ప్రస్తుతం ఆయన యూత్‌ఫుల్‌ సోషల్‌ డ్రామా ‘యుఫోరియా’తో బిజీగా ఉన్న సంగతి తెలిసిందే. సమాజంలో జరుగుతున్న దురాగతాలపై తెరకెక్కుతోన్న సినిమా అని అనౌన్స్‌ చేసినప్పటి నుంచి అందరిలోనూ సినిమా పై ఆసక్తి మరింత పెరిగింది. ఇటీవల విడుదలైన మూవీ గ్లింప్స్‌తో సినిమాపై ఉన్న అంచనాలు నెక్ట్స్‌ రేంజ్‌కు చేరుకున్నాయి. ప్రస్తుతం ఈ సినిమా నిర్మాణ దశలో ఉంది. రీసెంట్‌గా ఫస్ట్‌ షెడ్యూల్‌ చిత్రీకణ పూర్తయ్యింది. అదే యుఫోరిక్‌ ఎనర్జీతో మేకర్స్‌ ఇప్పుడు సెకండ్‌ షెడ్యూల్‌ షూటింగ్‌ను స్టార్ట్‌ చేశారు. ఈ క్రమంలో సినిమాకు సంబంధించిన స్పెషల్‌ అప్‌డేట్‌ ఇస్తూ సెట్స్‌ నుంచి ఓ స్పెషల్‌ వీడియోని విడుదల చేశారు. ఈ వీడియోలో భూమిక సెట్స్‌లో కనిపించారు. ఆమె మేకప్‌ వేసుకోవటం, షూటింగ్‌లో పాల్గొనటం వంటి సన్నివేశాలను ఈ వీడియోలో చూడొచ్చు. ఆమె రాకతో ఆ సెట్స్‌కు మరింత ఉత్సాహం వచ్చింది. ఈ గ్లింప్స్‌ వీడియోలో డైరెక్టర్‌ గుణశేఖర్‌ని మనం గమనించవచ్చు. 20 ఏండ్ల క్రితం గుణ శేఖర్‌, భూమిక సెన్సేషనల్‌ బ్లాక్‌ బస్టర్‌ ‘ఒక్కడు’ మూవీలో కలిసి పని చేశారు. ఈ సినిమా కోసం మరోసారి ఈ బ్లాక్‌ బస్టర్‌ కాంబో చేతులు కలిపింది. భూమికను దష్టిలో ఉంచుకుని గుణశేఖర్‌ ఓ పవర్‌ఫుల్‌ రోల్‌ను క్రియేట్‌ చేశారు. ఇప్పుడు విడుదల చేసిన గ్లింప్స్‌ చూస్తుంటే పవర్‌ఫుల్‌ రోల్‌లో భూమిక ఎలా మెప్పించనున్నారోనని ఆసక్తి మరింత పెరిగింది అని చిత్ర యూనిట్‌ తెలిపింది. సారా అర్జున్‌, నాజర్‌, రోహిత్‌, విఘ్నేష్‌ గవిరెడ్డి, లికితా యలమంచిలి, అడ్డాల పథ్వీరాజ్‌, కల్పలత, సాయిశ్రీనికా రెడ్డి, ఆశ్రిత వేముగంటి, మాథ్యూ వర్గీస్‌, ఆదర్శ్‌ బాలకష్ణ, రవి ప్రకాష్‌, నవీన్‌ రెడ్డి, లికిత్‌ నాయుడు తదితరులు ఇతర కీలక పాత్రల్లో నటించారు. గుణ హ్యాండ్‌ మేడ్‌ ఫిల్మ్స్‌ బ్యానర్‌పై రాగిణి గుణ సమర్పణలో ఈ చిత్రాన్ని నీలిమ గుణ నిర్మిస్తున్నారు. ప్రవీణ్‌ కె.పోతన్‌ సినిమాటోగ్రఫీ అందిస్తోన్న ఈ చిత్రానికి ప్రవీణ్‌పూడి ఎడిటర్‌. కాల భైరవ సంగీతాన్ని సమకూరుస్తున్నారు.
‘యూఫోరియా’ సినిమాతో మరోసారి దర్శకుడు గుణశేఖర్‌తో కలసి పని చేయటం చాలా ఆనందంగా ఉంది. 20ఏండ్ల క్రితం ఆయనతో నేను చేసిన ‘ఒక్కడు’ సెన్సేషనల్‌ బ్లాక్‌బస్టర్‌గా నిలిచింది. అప్పటికే ఆయన చాలా పెద్ద దర్శకుడు. భారీ భారీ సెట్స్‌లో సినిమాలు చేస్తారు. ‘ఒక్కడు’ సినిమాకి కూడా ఛార్మినార్‌ సెట్‌ వేశారు. ఆ సెట్‌లో పని చేయటం మరచిపోలేని అనుభూతి. అలాగే నటీనటుల దగ్గర్నుంచి తనకు కావాల్సిన నటనను ఎలా రాబట్టుకోవాలో గుణశేఖర్‌కి బాగా తెలుసు. ప్రతి విషయంలోనూ చాలా క్లారిటీగా ఉంటారు. కేవలం సెట్స్‌ విషయంలోనే కాదు ఆర్టిస్టుల కాస్ట్యూమ్స్‌ విషయంలోనూ ఆయన చాలా కేర్‌ తీసుకుంటారు. ఇక ‘యూఫోరియా’లో నేను చాలా మంచి పాత్ర చేస్తున్నా. ఈ పాత్ర కోసం గుణశేఖర్‌ నన్ను ఎంపిక చేసుకోవడం చాలా హ్యాపీగా అనిపించింది. ఇన్నేండ్ల తర్వాత మళ్ళీ ఆయనతో పని చేసే అవకాశం రావడం అదృష్టం. ఈ సినిమాలో నా పాత్ర మిమ్మల్ని కచ్చితంగా సర్‌ప్రైజ్‌ చేస్తుంది.
– భూమిక
