‘ఫియర్‌’ రిలీజ్‌కి రెడీ

కథానాయిక వేదిక లీడ్‌ రోల్‌లో నటించిన సినిమా ‘ఫియర్‌’. దత్తాత్రేయ మీడియా బ్యానర్‌ పై ప్రొడ్యూసర్స్‌ డా. వంకి పెంచలయ్య, ఏఆర్‌ అభి నిర్మించారు. సుజాత రెడ్డి కో ప్రొడ్యూసర్‌. సస్పెన్స్‌ థ్రిల్లర్‌ కథతో దర్శకురాలు డా. హరిత గోగినేని ఈ మూవీని రూపొందించారు. అరవింద్‌ కష్ణ ఓ స్పెషల్‌ రోల్‌లో కనిపించనున్నారు. ఈ సినిమా విడుదలకు ముందే పలు అంతర్జాతీయ ప్రతిష్టాత్మక ఫిలిం ఫెస్టివల్స్‌లో 70కి పైగా అవార్డ్స్‌లను గెల్చుకుని, కొత్త రికార్డ్‌ క్రియేట్‌ చేసింది. ఈ సినిమా ఈ నెల 14న గ్రాండ్‌ థియేట్రికల్‌ రిలీజ్‌కు రెడీ అవుతోంది. ఈ నేపథ్యంలో ఆదివారం ఈ మూవీ నుంచి టైటిల్‌ సాంగ్‌ను కొరియోగ్రాఫర్‌, హీరో రాఘవ లారెన్స్‌ రిలీజ్‌ చేశారు. అనూప్‌ రూబెన్స్‌ కంపోజ్‌ చేసిన ఈ పాటకు కష్ణకాంత్‌ లిరిక్స్‌ అందించగా, మేఘన, నీల్‌ క్రితన్‌ ఆకట్టుకునేలా పాడారు. ఈ టైటిల్‌ సాంగ్‌ లిరిక్స్‌ ఇంగ్లీష్‌లో ఉండటం విశేషం. నాయిక వేదిక క్యారెక్టర్‌ను భయాలు ఎలా చుట్టుముట్టాయి?, ఆ ఫియర్‌ ప్రభావం ఆమె మీద ఎంతగా ఉందో చెప్పేలా ఈ పాటను డైరెక్టర్‌ హరిత గోగినేని ఆసక్తికరంగా డిజైన్‌ చేశారు. జెపి (జయప్రకాష్‌ ), పవిత్ర లొకేష్‌, అనీష్‌ కురువిల్ల, సాయాజి షిండే, సత్య కష్ణ, సాహితి దాసరి, షాని తదితరులు నటించిన ఈచిత్రానికి మ్యూజిక్‌ – అనూప్‌ రూబెన్స్‌, సినిమాటోగ్రఫీ – ఐ ఆండ్రూ, లిరిక్స్‌ – కష్ణ కాంత్‌, కొరియోగ్రఫీ – విశాల్‌, నిర్మాత – డా.వంకి పెంచలయ్య, ఏఆర్‌ అభి, రచన, ఎడిటింగ్‌, దర్శకత్వం – డా. హరిత గోగినేని.