వెన్నెల కిషోర్‌, అనన్య నాగళ్ల, రవితేజ మహాదాస్యం ప్రధాన పాత్రల్లో నటించిన చిత్రం ‘శ్రీకాకుళం షెర్లాక్‌ హోమ్స్‌’. రైటర్‌ మోహన్‌ రచన, దర్శకత్వం వహించారు. లాస్యారెడ్డి సమర్పణలో శ్రీ గణపతి సినిమాస్‌ బ్యానర్‌పై వెన్నపూస రమణారెడ్డి నిర్మించారు. ‘క, పొలిమేర 2, కమిటీ కుర్రోళ్లు’ చిత్రాలతో విజయాలు అందుకున్న వంశీ నందిపాటి ఈ చిత్రాన్ని విడుదల చేశారు. ఈనెల 25న థియేటర్లలో విడుదలైన ఈ చిత్రం అందరినీ అలరించి సక్సెస్‌ఫుల్‌గా రన్‌ అవుతోంది. ఈ సందర్భంగా మేకర్స్‌ సక్సెస్‌ మీట్‌ నిర్వహించారు.
హీరోయిన్‌ అనన్య నాగళ్ల మాటాడుతూ, ‘మా సినిమాకి చాలా మంచి రెస్పాన్స్‌ వస్తోంది. సినిమాతో పాటు నా పాత్రకు కూడా అద్భుతమైన రెస్పాన్స్‌ రావడం చాలా ఆనందంగా ఉంది. మంచి థ్రిల్‌ ఇచ్చే ఫిల్మ్‌ ఇది. చూసిన ప్రేక్షకులు సీట్‌ ఎడ్జ్‌ థ్రిల్లర్‌ అంటున్నారు’ అని అన్నారు. ‘సినిమాని సపోర్ట్‌ చేసిన ప్రేక్షకులందరికీ ధన్యవాదాలు. ఒక మంచి సినిమా తీశారు, మంచి ప్రయత్నం చేశారు అని ప్రేక్షకులు చెబుతున్నారు. సినిమా చూసిన ఆడియన్స్‌ స్క్రీన్‌ ప్లే చాలా అద్భుతంగా ఉంది, చివరి 40 నిమిషాలు కట్టిపడేస్తుంది, సీట్‌ ఎడ్జ్‌ థ్రిల్లర్‌ అని ప్రశంసలు కురిపించడం ఆనందంగా ఉంది. ఈ శని, ఆదివారం కూడా ఈ సినిమాని ఇలానే సపోర్ట్‌ చేసి ఇంకా మంచి నెంబర్స్‌ మాకు ఇచ్చి ఒక సక్సెస్‌ఫుల్‌ ప్రాజెక్ట్‌తో బయటికి వచ్చేలా మమ్మల్ని ఆశీర్వదిస్తారని కోరుకుంటున్నాం’ అని వంశీ నందిపాటి చెప్పారు.
నిర్మాత వెన్నపూస రమణారెడ్డి మాట్లాడుతూ,’మొదటి ప్రయత్నంలోనే సక్సెస్‌ సాధించానని అనుకుంటున్నాను. మేము ఊహించిన దాని కంటే రెస్పాన్స్‌ చాలా బెటర్‌గా ఉంది. అన్నింటికి మించి ప్రేక్షకులు సినిమా బాగుందని ప్రశంసించడం సంతోషంగా ఉంది’ అని తెలిపారు.
