మాస్కో: రష్యా భద్రతా సమస్యలను గౌరవిం చాలని నాటోను రష్యా డిమాండ్‌ చేస్తోందేతప్ప అమెరికా నాయకత్వంలోని సైనిక కూటమిని నిలువరించే ఉద్దేశంగానీ, సామర్థ్యంగానీ రష్యాకు లేవని మాజీ రష్యా అధ్యక్షుడు, ప్రస్తుతం రష్యన్‌ జాతీయ భద్రతా కౌన్సిల్‌ ఉపాధ్యక్షుడుగావున్న డిమిట్రీ మెద్వెదేవ్‌ అన్నాడు. ఉక్రెయిన్‌ నాటోలో చేరటం విషయంలో రష్యా అంచనాలు తారుమారై ఫిన్లాండ్‌, స్వీడెన్‌ దేశాలు నాటోలో చేరటానికి సంసిద్దమవటానికి దారితీసిందనే వాదనను ఆదివారం ఆయన రాసిన వ్యాసంలో తిప్పికొట్టాడు. ఈ రెండు దేశాలు ఎప్పటినుంచో నాటో కూటమితో చెలిమిలో ఉన్నాయనేది అందరికీ తెలిసిందేనని మెద్వెదేవ్‌ రాశాడు.
గతంలో తమ దేశంలో అంతర్భాగంగా ఉండి, తమతో సరిహద్దు సమస్యలున్న దేశాలను నాటో కూటమిలోకి ఆహ్వానించవద్దని రష్యా కోరు తోంది. సాయుధ ఘర్షణలోవున్న దేశం నాటోలో చేరజాలదనే నియమం ఉన్నందున ఉక్రెయిన్‌ను నాటోలో చేరకుండా ఏవిధంగానైనా రష్యా నిరో ధిస్తుందని, ఎందుకంటే ఉక్రెయిన్‌తో రష్యాకు శాశ్వత సాయుధ సంఘర్షణ ఉంటుందని ఆయన హెచ్చరించాడు. యావత్‌ ప్రపంచంపైన పశ్చిమ దేశాలు ఆధిపత్యాన్ని చలాయిస్తున్నాయనీ, ఈ ఆధిపత్యాన్ని నిలుపుకోవటం కోసం ఈ దేశాలు యుద్ధాలకు దిగుతున్నాయని మెద్వెదేవ్‌ తన వ్యాసంలో పేర్కొన్నాడు. ఈ సంఘర్షణలు దశాబ్దాలుగా కొనసాగు తాయని చెప్పటానికి ప్రవక్త కానక్కరలేదని ఆయన అన్నాడు.
Related posts:
ఉక్రెయిన్‌కు అమెరికా మిస్సైల్‌ రక్షణ వ్యవస్థ ధ్వంసం చేసిన రష్యా
ఉక్రెయిన్‌కు ఎఫ్‌-16లపై రష్యా మండిపాటు
ప్రతిదాడికి ఉక్రెయిన్‌ సర్వసన్నద్ధం అమెరికా సైనికాధికారి
ఉక్రెయిన్‌కు 210కోట్ల డాలర్ల భద్రతా సాయం ప్రకటించిన పెంటగన్‌
ఉక్రెయిన్‌ లో నాటో హద్దు మీరటానికి ఇంకా ఏమి మిగిలింది?!
వాగర్‌పై క్రిమినల్‌ కేసు ఉపసంహరణ ఎఫ్‌ఎస్‌బీ వెల్లడి