– అక్షర విద్యాసంస్థల నుంచి రూ.10 లక్షల స్కాలర్‌షిప్‌
హైదరాబాద్‌: ఆర్చరీ వరల్డ్‌కప్‌, ఆసియాకప్‌కు ఎంపికైన పెద్దపల్లి యువ ఆర్చర్‌ టి.చికితరావుకు హైదరాబాద్‌ క్రికెట్‌ అసోసియేషన్‌ (హెచ్‌సీఏ) అధ్యక్షుడు, అక్షర విద్యాసంస్థల చైర్మన్‌ అర్శనపల్లి జగన్‌మోహన్‌ రావు ఆర్థికంగా చేయూత అందించారు. సాధారణ రైతు కుటుంబ నేపథ్యం నుంచి అంతర్జాతీయ స్థాయి ఆర్చర్‌గా ఎదిగిన చికిత.. మెరుగైన శిక్షణకు ప్రోత్సాహం దక్కక ఇబ్బంది పడుతుందని తెలుసుకున్న జగన్‌ అన్ని విధాలా అండగా ఉంటానని హామీ ఇచ్చారు. అక్షర విద్యా సంస్థల నుంచి చికితకు రూ.10 లక్షల స్పోర్ట్స్‌ స్కాలర్‌షిప్‌ ప్రకటించారు. తొలి విడతగా రూ.50 వేల చెక్‌ను అందించగా, ఫిబ్రవరి నుంచి చికిత శిక్షణ నిమిత్తం ప్రతి నెల రూ.15 వేలు ఉపకార వేతనం ఐదేళ్ల పాటు అక్షర విద్యా సంస్థల నుంచి ఇస్తామని జగన్‌మోహన్‌ రావు వెల్లడించారు.
