విశ్వక్‌సేన్‌ నటిస్తున్న యూనిక్‌ రొమాంటిక్‌ యాక్షన్‌ ఎంటర్‌టైనర్‌ ‘లైలా’. సోను మోడల్‌, లైలాగా రెండు డిఫరెంట్‌ లుక్స్‌లో విశ్వక్‌సేన్‌ కనిపించడం అందరిలోనూ చాలా క్యురియాసిటీ పెంచింది. రామ్‌ నారాయణ్‌ దర్శకత్వం వహించారు. షైన్‌ స్క్రీన్స్‌ బ్యానర్‌పై సాహు గారపాటి నిర్మించారు. శుక్రవారం థర్డ్‌ సింగిల్‌ ‘ఓహో.. రత్తమ్మ’ను మేకర్స్‌ రిలీజ్‌ చేశారు. లియోన్‌ జేమ్స్‌ కంపోజ్‌ చేసిన ఈ పాట అందరినీ అలరించే మాస్‌ ఫీస్ట్‌ అందిస్తుంది. పెంచల్‌ దాస్‌, మధుప్రియల జానపద శైలి వోకల్స్‌ ఈ పాటకు మరింత ఆకర్షణ తీసుకొచ్చాయి. సోషల్‌ మీడియా సెన్సేషనల్‌ ట్రాక్‌ కోయారే కోరు కోరు చేర్చడం పాటకు మరింత ఎంటర్‌టైన్‌మెంట్‌ని యాడ్‌ చేసింది. విశ్వక్‌సేన్‌ ట్రెడిషినల్‌ నుంచి అల్ట్రా-స్టైలిష్‌ వరకు వివిధ రకాల లుక్స్‌తో ఆకట్టుకున్నారు. ఆకాంక్ష శర్మ తన గ్లామర్‌తో ఆకట్టుకుంది. కొరియోగ్రఫీ వైబ్‌ను మరింతగా పెంచింది. ఇది అభిమానులకు పూర్తి స్థాయి మాస్‌ విందు అందించే పాట. ఈనెల 14న ఈ సినిమా విడుదల కానుంది అని చిత్ర యూనిట్‌ తెలిపింది.
