ప్రభుత్వ సంక్షేమ పథకాల గురించి ప్రజలకు వివరించాలి

నవతెలంగాణ-చౌటుప్పల్ రూరల్: ప్రభుత్వ సంక్షేమ పథకాల గురించి ప్రజలకు వివరించాలని ఎన్నికల ఇంచార్జ్ ఎండి హన్నుబాయ్ కోరారు. ఆదివారం చౌటుప్పల్ మండలంలోని దండు మల్కాపురం గ్రామంలో జరిగిన కాంగ్రెస్ పార్టీ గ్రామ శాఖ సమావేశం గ్రామ శాఖ అధ్యక్షులు మునుకుంట్ల రాజు అధ్యక్షత నిర్వహించారు.ఈ సమావేశానికి ఎన్నికల ఇన్చార్జులుగా ఎండి హన్ను బాయ్, సిలివేరు నరసింహ పాల్గొని మాట్లాడారు. ఈ కార్యక్రమానికి ముఖ్య అతిథులుగా మాజీ జెడ్పిటిసి చిలుకూరి ప్రభాకర్ రెడ్డి మునుగోడు నియోజకవర్గ కాంగ్రెస్ పార్టీ ఎన్నికల సమన్వయకర్త పబ్బు రాజు  గౌడ్ ముఖ్య అతిథులుగా పాల్గొన్నారు.ఈ కార్యక్రమంలో ఎన్నికల ఇన్చార్జిలు మాట్లాడుతూ.. మునుగోడు అభివృద్ధి ప్రదాత,స్థానిక శాసనసభ్యులు కోమటిరెడ్డి రాజగోపాల్ రెడ్డి ఆదేశాల మేరకు నడుచుకుంటూ, మనమందరము సమిష్టిగా పని చేయాలని కోరారు,రాబోయే స్థానిక సంస్థల ఎన్నికలలో ప్రతి కార్యకర్త, పార్టీ అభ్యర్థి గెలుపు కోసం కృషి చేయాలని, పార్టీ చేపట్టిన సంక్షేమ పథకాల గురించి ప్రజలకు వివరించి, కాంగ్రెస్ పార్టీకి ఓట్లు వేసే విధంగా మలచుకోవాలని  కోరారు. ముఖ్య అతిథులుగా పాల్గొన్న మాజీ జెడ్పిటిసి చిలుకూరి ప్రభాకర్ రెడ్డి మాట్లాడుతూ… మునుగోడు ముద్దుబిడ్డ, మన ప్రియతమ నాయకులు, స్థానిక శాసనసభ్యులు కోమటిరెడ్డి రాజగోపాల్ రెడ్డి నాయకత్వంలో మునుగోడు అన్ని రంగాలలో అభివృద్ధి చెందుతుందని అన్నారు.
అనంతరం పబ్బు రాజు గౌడ్ మాట్లాడుతూ… కాంగ్రెస్ పార్టీ చేపడుతున్న సంక్షేమ పథకాల గురించి ప్రతి కుటుంబానికి, ప్రతి ఓటరుకు వివరించి చెప్పాలని, మన గ్రామంలో అభివృద్ధి జరిగింది అంటే అది మన ప్రియతమ నాయకులు కోమటిరెడ్డి రాజగోపాల్ రెడ్డి నాయకత్వంలో ఈ మధ్య కాలంలో కరెంటు గాని, సిసి రోడ్లు గాని, ఇతర అభివృద్ధి కార్యక్రమాలను గురించి కార్యకర్తలకు వివరించి చెప్పడం జరిగింది. కాంగ్రెస్ పార్టీ పేదల పార్టీ, పేద ప్రజల అభివృద్ధి కోసం అహర్నిశలు కృషి చేస్తుందని అన్నారు. పార్టీలో కష్టపడి పని చేసిన వారికే అవకాశం ఉంటుందని అన్నారు. మన పార్టీ చేపట్టిన రైతు రుణమాఫీ, గృహ జ్యోతి, మహిళలకు ఉచిత బస్ సౌకర్యం, గ్యాస్ సబ్సిడీ మరియు ఈ మధ్యకాలంలో మన గ్రామానికి ప్రతిరోజు చౌటుప్పల్ నుండి వయ మల్కాపురం గ్రామం గుండా బస్సులు దిల్సుఖ్నగర్ కు వేయడం జరిగింది. ఇట్టి సదవకాశాన్ని గ్రామ ప్రజలు ఉపయోగించుకునే విధంగా కార్యకర్తలు ప్రజలకు తెలియజేయాలని కోరడం జరిగింది. రాబోయే స్థానిక సంస్థల ఎన్నికలలో ఎంపీటీసీ, జడ్పిటిసి, సర్పంచ్, వార్డు సభ్యులను అన్నింటిని కాంగ్రెస్ పార్టీ కైవసం చేసుకోవాలని వారు కోరడం జరిగింది. ఈ కార్యక్రమంలో మాజీ ఎంపీటీసీ చిట్టెంపల్లి శ్రీనివాసరావు, శ్రీ రామలింగేశ్వర స్వామి దేవస్థానం చైర్మన్ మల్కాజిగిరి బాబు, ఆందోల్ మైసమ్మ దేవాలయం కమిటీ చైర్మన్ చిలుకూరి మల్లారెడ్డి, ఈడుదుల హరి ప్రసాద్, రామస్వామి  లచ్చిరెడ్డి, అంజాత్ ఖాన్, మరియు దేవాలయ కమిటీ డైరెక్టర్లు, గ్రామ శాఖ కార్యవర్గం, మాజీ వార్డ్ మెంబర్లు, నాయకులు అత్యధిక సంఖ్యలు పాల్గొన్నారు.