వెంకటేష్‌ తన 75వ ల్యాండ్‌మార్క్‌ చిత్రం ‘సైంధవ్‌’. ఈ సినిమా ద్వారా విడుదలైన కంటెంట్‌తో ఇందులో వెంకీ ఫెరోషియస్‌ షేడ్స్‌ ఇప్పటివరకు చూశాం. లేటెస్ట్‌గా అతని లోతైన భావోద్వేగాన్ని మేకర్స్‌ పరిచయం చేశారు. బేబీ సారా హార్ట్‌ ఆఫ్‌ సైంధవ్‌ అని రివీల్‌ చేశారు మేకర్స్‌. పోస్టర్‌లో వెంకటేష్‌ గాయాలతో కనిపిస్తుంటే, ఆయన్ని పట్టుకుని పాప సారా ఉంది. సినిమాలో సారా పాత్ర పేరు గాయత్రి. శైలేష్‌ కొలను దర్శకత్వం వహిస్తున్న ఈ చిత్రాన్ని నిహారిక ఎంటర్‌టైన్‌మెంట్‌ పై వెంకట్‌ బోయనపల్లి నిర్మిస్తున్నారు.
ఈ చిత్రంతో బాలీవుడ్‌ యాక్టర్‌ నవాజుద్దీన్‌ సిద్ధిఖ్‌ వికాస్‌ మాలిక్‌ క్యారెక్టర్‌లో టాలీవుడ్‌లో అరంగేట్రం చేస్తున్నారు. శ్రద్ధా శ్రీనాథ్‌ మనోజ్ఞ పాత్రలో కథానాయికగా నటిస్తుండగా, డాక్టర్‌ రేణుగా రుహాని శర్మ, జాస్మిన్‌ పాత్రలో ఆండ్రియా జెర్మియా కీలక పాత్రలలో నటిస్తున్నారు. ఈ చిత్రానికి సంతోష్‌ నారాయణన్‌ సంగీతం అందిస్తున్నారు. కిషోర్‌ తాళ్లూరు సహ నిర్మాతగా వ్యవహరిస్తున్న ఈ పాన్‌ ఇండియా మూవీ ‘సైంధవ్‌’ని అన్ని దక్షిణాది భాషలు, హిందీలో క్రిస్మస్‌ కానుకగా డిసెంబర్‌ 22న విడుదల చేయబోతున్నారు.
