హీరో విశ్వక్‌ సేన్‌ ప్రస్తుతం నూతన దర్శకుడు రవితేజ ముళ్లపూడి దర్శకత్వంలో ఓ కొత్త చిత్రాన్ని చేస్తున్నారు. నిర్మాత రామ్‌ తాళ్లూరి ఎస్‌ఆర్‌టి ఎంటర్‌టైన్‌మెంట్స్‌ బ్యానర్‌పై భారీ స్థాయిలో ఈ చిత్రాన్ని నిర్మిస్తున్నారు. ఈ చిత్రంలో విశ్వక్‌ సేన్‌కు జోడిగా మీనాక్షి చౌదరి కథా నాయికగా నటిస్తోంది. తాజాగా ఈ సినిమా మొదటి షెడ్యూల్‌ షూటింగ్‌ పూర్తయింది. చిత్ర ప్రధాన తారాగణం అంతా ఈ షెడ్యూల్‌లో పాల్గొన్నారు. త్వరలో తదుపరి షెడ్యూల్‌ను యూనిట్‌ ప్రారంభించనుంది.
మరికొద్ది రోజుల్లో ఈ సినిమా టైటిల్‌, ఫస్ట్‌లుక్‌ని విడుదల చేసేందుకు మేకర్స్‌ ప్లాన్‌ చేస్తున్నారు. ఈ సినిమా ఫస్ట్‌ సింగిల్‌ లిరికల్‌ వీడియో కూడా త్వరలో రివీల్‌ కానుంది. ఈ చిత్రానికి జేక్స్‌ బిజోరు సంగీతం అందిస్తున్నారు. ఫన్‌ ఫుల్‌ ఎంటర్‌టైనర్‌గా రూపొందుతున్న ఈ చిత్రంలో విశ్వక్‌సేన్‌ పాత్ర సరికొత్తగా ఉంటూ ప్రేక్షకులను అలరించనుంది. ఈ చిత్రానికి దర్శకత్వం: రవితేజ ముళ్లపూడి, సంగీతం: జేక్స్‌ బిజోరు, డీవోపీ: మనోజ్‌ కాటసాని, ప్రొడక్షన్‌ డిజైనర్‌: క్రాంతి ప్రియం, ఎడిటర్‌: అన్వర్‌ అలీ, ఎగ్జిక్యూటివ్‌ ప్రొడ్యూసర్స్‌: సత్యం రాజేష్‌, విద్యాసాగర్‌ జె.
