హీరోగా వెంకటేష్‌ నటిస్తున్న 75వ చిత్రం ‘సైంధవ్‌’. శైలేష్‌ కొలను దర్శకత్వంలో నిహారిక ఎంటర్‌టైన్‌మెంట్‌ బ్యానర్‌ పై వెంకట్‌ బోయనపల్లి నిర్మిస్తున్నారు. 8 మంది కీలక నటీనటుల చుట్టూ ఈ సినిమా కథ సాగుతుంది. ఇప్పటివరకు 7 పాత్రలను పరిచయం చేశారు. లేటెస్ట్‌గా బుధవారం సినిమాలోని మరో కీలక పాత్రను రివీల్‌ చేశారు. తెలుగు ప్రేక్షకులకు బాగా సుపరిచితుడైన కోలీవుడ్‌ స్టార్‌ ఆర్య ఈ చిత్రంలో మరో ముఖ్యమైన పాత్రలో నటిస్తున్నారు. మానస్‌గా ఫస్ట్‌ లుక్‌ పోస్టర్‌లో ఆర్య మెషిన్‌గన్‌తో ఫెరోషియస్‌గా కనిపిస్తున్నారు. ఇతర ప్రధాన పాత్రలను పరిచయం చేస్తూ రిలీజ్‌ చేసిన గ్లింప్స్‌లో వెంకటేష్‌, నవాజుద్దీన్‌ సిద్ధిఖీ, శ్రద్ధా శ్రీనాథ్‌, రుహాని శర్మ, ఆండ్రియా జెరెమియా, సారా, జయ ప్రకాష్‌ కనిపించారు. ఈ సినిమాని అన్ని దక్షిణాది భాషలతో పాటు హిందీలో క్రిస్మస్‌ సందర్భంగా డిసెంబర్‌ 22న రిలీజ్‌ చేస్తున్నారు.
