సుహాస్‌ హీరోగా నటిస్తున్న కొత్త సినిమా ‘అంబాజీపేట మ్యారేజి బ్యాండు’. ఈ చిత్రాన్ని జీఏ2 పిక్చర్స్‌, దర్శకుడు వెంకటేష్‌ మహా బ్యానర్‌ మహాయన మోషన్‌ పిక్చర్స్‌, ధీరజ్‌ మొగిలినేని ఎంటర్‌టైన్‌మెంట్‌ బ్యానర్స్‌ సంయుక్తంగా నిర్మిస్తున్నాయి. దుశ్యంత్‌ కటికినేని దర్శకుడు. ఈ సినిమా ఫస్ట్‌ సింగిల్‌ ‘గుమ్మా..’ ప్రోమోను మేకర్స్‌ శనివారం రిలీజ్‌ చేశారు. పూర్తి లిరికల్‌ సాంగ్‌ను ఈ నెల 30న విడుదల చేయబోతున్నారు. ‘గుమ్మా..’ సాంగ్‌కు రెహ్మాన్‌ లిరిక్స్‌ అందించగా, శేఖర్‌ చంద్ర మ్యూజిక్‌ అందించడంతోపాటు పాడారు. ‘ఎట్టా ఎట్టనే ఆపేది ఎట్టనే ఎప్పుడెప్పుడంటు గుండె డప్పు కొట్టెనే..సుట్టూ పక్కల సూసేది ఎట్టనే పట్టలేని మైకమేదో నన్ను సుట్టెనే..’ అంటూ క్యాచీ కంపోజిషన్‌తో ఆకట్టుకుందీ సాంగ్‌ ప్రోమో. కామెడీ డ్రామా కథతో తెరకెక్కుతున్నఈ సినిమా ప్రస్తుతం పోస్ట్‌ ప్రొడక్షన్‌ తుది దశలో ఉంది. త్వరలోనే థియేటర్స్‌ ద్వారా ఈ సినిమాను ప్రేక్షకుల ముందుకు తీసుకొచ్చేందుకు మేకర్స్‌ సన్నాహాలు చేస్తున్నారు. సుహాస్‌, శివాని నాగరం, శరణ్య ప్రదీప్‌, జబర్దస్త్‌ ప్రతాప్‌ భండారి, గోపరాజు రమణ తదితరులు నటిస్తున్న ఈ చిత్రానికి సంగీతం – శేఖర్‌ చంద్ర, సినిమాటోగ్రఫీ – వాజిద్‌ బేగ్‌, ఎడిటింగ్‌ – కొదాటి పవన్‌ కల్యాణ్‌.
