అజయ్ భూపతి దర్శకత్వం వహించిన తాజా సినిమా ‘మంగళవారం’. పాయల్‌ రాజ్‌పుత్‌, ‘రంగం’ ఫేమ్‌ అజ్మల్‌ అమీర్‌ జంటగా నటించారు. ఈ చిత్రానికి అజరు భూపతి ఎ క్రియేటివ్‌ వర్క్స్‌ నిర్మాణ భాగస్వామి. ముద్ర మీడియా వర్క్స్‌ పతాకంపై స్వాతి రెడ్డి గునుపాటి, సురేష్‌ వర్మ .ఎం సంయుక్తంగా నిర్మిస్తున్నారు. ఈ సినిమాలో దర్శకుడు తరుణ్‌ భాస్కర్‌ ‘అప్పడప్పడ తాండ్ర ఆవకాయ తాండ్ర…’ అంటూ సాగే ప్రత్యేక గీతం చేశారు. గణేష్‌ ఎ రాసిన ఈ పాటను రాహుల్‌ సిప్లిగంజ్‌ ఆలపించారు. శుక్రవారం సాంగ్‌ లిరికల్‌ వీడియోని మేకర్స్‌ విడుదల చేశారు. అజనీష్‌ లోక్‌నాథ్‌ బాణీకి తోడు తరుణ్‌ భాస్కర్‌ మాసీ గెటప్‌ ‘అప్పడప్పడు తాండ్ర ఆవకాయ తాండ్ర…’లో ప్రత్యేక ఆకర్షణగా నిలిచింది. పల్లెటూరు వీధుల్లో, పొలం గట్లలో ఫలానా విధంగా జరిగిందంటూ ప్రజలు కథలు కథలుగా చెప్పుకుంటారు. ఆ కథలను పాట రూపంలో ప్రేక్షకుల ముందుకు తీసుకువస్తున్నారు అజరు భూపతి. దర్శకుడు అజరు భూపతి మాట్లాడుతూ, ‘తరుణ్‌ భాస్కర్‌ ఈ సాంగ్‌ చేయడం ఓ స్పెషల్‌ అయితే… మాస్‌ గెటప్‌, లుంగీలో డాన్స్‌ చేయడం మరో స్పెషల్‌. కోనసీమలోని ఓ పల్లెటూరిలో ఈ పాటను చిత్రీకరించార. సినిమాలోని ఓ మంచి సందర్భంలో ఈ పాట వస్తుంది. ఇదొక డిఫరెంట్‌ యాక్షన్‌ థ్రిల్లర్‌. ఇప్పటివరకు ఇండియన్‌ స్క్రీన్‌ మీద రానటువంటి ప్రయత్నం చేస్తున్నాం. తప్పకుండా అందరికీ నచ్చే చిత్రమిది’ అని చెప్పారు. ఇటీవల విడుదల చేసిన సినిమా ట్రైలర్‌, పాటలకు మంచి స్పందన లభిస్తుందని నిర్మాతలు స్వాతి రెడ్డి, సురేష్‌ వర్మ సంతోషం వ్యక్తం చేశారు. ఇప్పుడు ‘అప్పడప్పడు తాండ్ర ఆవకాయ తాండ్ర…’ పాటు కూడా ప్రేక్షకులందరినీ ఆకట్టుకుంటుందని చెప్పారు.
