రామ్‌ చరణ్‌, శంకర్‌ కాంబినేషన్‌లో రూపొందిన భారీ బడ్జెట్‌ చిత్రం ‘గేమ్‌ ఛేంజర్‌’. ఈ చిత్రంలో రామ్‌ చరణ్‌ సరసన కియారా అద్వానీ హీరోయిన్‌గా నటించారు. ఈ సినిమాను అనిత సమర్పణలో శ్రీవెంకటేశ్వర క్రియేషన్స్‌, జీ స్టూడియోస్‌, దిల్‌రాజు ప్రొడక్షన్‌ బ్యానర్స్‌పై దిల్‌ రాజు, శిరీష్‌ నిర్మించారు. తెలుగు, తమిళ, హిందీ భాషల్లో ఈ మూవీ జనవరి 10న ప్రపంచ వ్యాప్తంగా రిలీజ్‌ అవుతోంది. ఈనెల 21న యు.ఎస్‌లోని డల్లాస్‌లో జరిగిన ఈ చిత్ర ప్రీ రిలీజ్‌ ఈవెంట్‌లో సినిమా నుంచి క్రేజీగా సాగే ‘డోప్‌’ సాంగ్‌ను మేకర్స్‌ విడుదల చేశారు. అలాగే ఈ సాంగ్‌ను ఇండియాలో ఆదివారం ఉదయం 8 గంటల 30 నిమిషాలకు రిలీజ్‌ చేశారు. డైరెక్టర్‌ శంకర్‌ తనదైన శైలిలో మరోసారి మేకింగ్‌లో తనేంటో ఈ సాంగ్‌తో ప్రూవ్‌ చేశారు. విజువల్‌ ట్రీట్‌గా ఉన్న ఈ పాటకు మ్యూజిక్‌ సెన్సేషనల్‌ తమన్‌ కంపోజిషన్‌ దీనికి పెద్ద ఎసెట్‌గా మారింది. రామజోగయ్యశాస్త్రి రాసిన ఈ పాటను తమిళంలో వివేక్‌, హిందీలో రక్వీబ్‌ ఆలం రాశారు. అలాగే తెలుగులో ఈ పాటను తమన్‌ ఎస్‌, రోషిణి, పథ్వీ శ్రుతి రంజని ఆలపించగా, తమిళంలో తమన్‌ ఎస్‌, అదితీ శంకర్‌, పథ్వీ.. హిందీలో తమన్‌ ఎస్‌, రాజకుమారి, పథ్వీ శ్రుతి రంజని ఆలపించారు. పాటకు ఎక్స్‌ట్రార్డినరీ రెస్పాన్స్‌ వస్తోంది. రామ్‌ చరణ్‌, కియారా అద్వానీ వేసిన డాన్స్‌ ఎంతో క్యూట్‌గా ఉంది అని చిత్ర బృందం తెలిపింది.
