హీరో కిరణ్‌ అబ్బవరం భారీ పీరియాడిక్‌ థ్రిల్లర్‌ సినిమాతో ప్రేక్షకుల ముందుకు రాబోతున్నారు. బుధవారం ఈ సినిమాకు ‘క’ అనే ఇంట్రెస్టింగ్‌ టైటిల్‌ అనౌన్స్‌ చేశారు. టైటిల్‌ అనౌన్స్‌ మెంట్‌ పోస్టర్‌లో కిరణ్‌ అబ్బవరం మేకోవర్‌ ఆసక్తి కలిగిస్తోంది. ఈ సినిమాను శ్రీచక్రాస్‌ ఎంటర్‌టైన్‌మెంట్స్‌ బ్యానర్‌ పై చింతా గోపాలకష్ణ రెడ్డి భారీ ప్రొడక్షన్‌ వ్యాల్యూస్‌తో నిర్మిస్తున్నారు. దర్శక ద్వయం సుజీత్‌, సందీప్‌ విలేజ్‌ బ్యాక్‌డ్రాప్‌ యాక్షన్‌ థ్రిల్లర్‌ కథతో దీన్ని రూపొందిస్తున్నారు. ఈ సినిమా చిత్రీకరణ పూర్తయ్యింది. ప్రస్తుతం పోస్ట్‌ ప్రొడక్షన్‌ కార్యక్రమాలు జరుగుతున్నాయి. త్వరలో ఈ సినిమాను తెలుగుతో పాటు తమిళ, మలయాళ, కన్నడలో గ్రాండ్‌ థియేట్రికల్‌ రిలీజ్‌కు తీసుకురాబోతున్నారు. ఈ చిత్రానికి ఆర్ట్‌ – సుధీర్‌ మాచర్ల, సినిమాటోగ్రఫీ – విశ్వాస్‌ డానియేల్‌, మ్యూజిక్‌ – సామ్‌ సీఎస్‌, దర్శకత్వం – సుజీత్‌, సందీప్‌.
