రేగళ్ళ గుంపును సందర్శించిన వైద్య బృందం

ఆదివాసీల అరణ్య రోదన అనే శీర్షికన నవతెలంగాణ లో ప్రచురితం అయిన కథనానికి ప్రభుత్వం యంత్రాంగాలు కదిలాయి.ఇప్పటికే ఐటిడిఏ అధికారులు తాత్కాలిక మంచినీటి సౌకర్యం కోసం చర్యలు చేపట్టారు.గురువారం జిల్లా సంక్షేమ అధికారిణి వేల్పుల విజేత ఆ గ్రామాన్ని సందర్శించి వారికి కావాల్సిన కనీస సౌకర్యాలను అడిగితెలుసుకున్నారు. ఆ గ్రామంలో గత మూడేళ్లుగా తరుచూ శిశు మరణాలు జరుగుతున్న నేపధ్యం వాటికి గల కారణాలు తెలుసుకోవడం కోసం జిల్లా ఇమ్యునైజేషన్ అధికారి డాక్టర్ బాలాజీ నాయక్,సి.హెచ్.ఒ నాగభూషణం నేతృత్వం లో శుక్రవారం రేగళ్ళ గుంపును సందర్శించారు. ఈ బృందం ముందుగా గుమ్మడవల్లి ప్రాథమిక ఆరోగ్య కేంద్రాన్ని సందర్శించారు.అనంతరం రేగళ్ళ గుత్తి కోయ గుంపును చేరుకుని అక్కడ జరిగిన శిశు మరణాల పై విచారణ జరిపారు.ఈ విచారణ పూర్తి కాలేదని,సంపూర్ణ నివేదికను కలెక్టర్ ప్రియాంక అల,డి ఎం అండ్ హెచ్ ఓ కు అందజేస్తామని తెలిపారు. ఈ కార్యక్రమంలో గుమ్మడవల్లి ప్రాధమిక ఆరోగ్య కేంద్రం వైద్యులు డాక్టర్ మధుళిక,డాక్టర్ వెంకటేశ్వర్లు, హెల్త్ సూపర్వైజర్ పి.దుర్గమ్మ, స్థానిక ఏ.ఎన్.ఎం రేవతి,హెల్త్  అసిస్టెంట్ లు భాస్కర్, పి.వెంకటేశ్వర్లు, ఆశా కార్యకర్తలు పాల్గొన్నారు.